«Ընդդիմության ճնշման ներքո ՀՀԿ-ն հրաժարվեց թեկնածու առաջադրելուց». միջազգային մամուլ
1675 Կիրակի, 29 ապրիլի, 2018 թ., 14:35 «Հայաստանի Հանրապետական կուսակցությունը, որը երկրի խորհրդարանում ունի 105-ից 58 մանդատ, չի առաջադրի իր թեկնածուին կառավարության ղեկավարի ընտրություններում»,- հաղորդում են միջազգային լրատվամիջոցները՝ վկայակոչելով կուսակցության մամուլի քարտուղար Էդուարդ Շարմազանովի հայտարարությունը: «Взгляд» պարբերականը գրում է, որ որոշումը կայացվել է ընդդիմության ճնշման ներքո: Պարբերականը նաև հայտնում է, որ որոշումն ընդունվել է ապրիլի 23-ին վարչապետի պաշտոնից հրաժարված Սերժ Սարգսյանի և վարչապետի ժամանակավոր պաշտոնակատար Կարեն Կարապետյանի ներկայությամբ: РИА «Новости»-ին՝ հղում անելով Շարմազանովի հայտարարությանը, նշում է, որ «Հայաստանի համար ճիշտ որոշում կայացվեց»: Եվ չնայած հանրապետականների հայտարարությանը, ինչպես գրում է գործակալությունը, ընդդիմադիր Նիկոլ Փաշինյանի աջակիցները չեն դադարեցնի բողոքի ցույցերը: «Մենք չենք փոխի մեր ծրագրերը, կշարունակենք բողոքի ակցիաները»,- գործակալությունը մեջբերում է «Քաղաքացիական պայմանագիր» կուսակցության մամուլի քարտուղար Տիգրան Ավինյանի խոսքը: ՀՀԿ-ի որոշման մասին հայտնում է նաև Daily Mail-ը: Պարբերականը, մասնավորապես, գրում է, որ Սերժ Սարգսյանի ղեկավարած կուսակցությունը մեծամասնություն ունի խորհրդարանում, իսկ երեկ կուսակցությունը խուսափեց առճակատումից: BBC-ն, իր հերթին, նշում է, որ ցույցերը գլխավորող Նիկոլ Փաշինյանն ստիպեց վարչապետին հրաժարական տալ՝ հայտարարելով, որ ինքը կլինի երկրի նոր վարչապետը: ՀՀԿ-ի որոշմանն անդրադառնում են նաև The Nation, Business Insider, Xinhuanet, Reuters, Al Awsat, AFP, Washington Post և մի շարք այլ հեղինակավոր միջազգային լրատվամիջոցներ: |
«Բոլոր պատգամավորներն անձնական պատասխանատվություն են կրում այսօրվա իրավիճակի համար»․ Էդգար Ղազարյան
3521:36«Նոր վարչապետ առաջադրե՛լ Միքայել արքեպիսկոպոս Աջապահյանին»․ Տիգրան Աթանեսյան
11820:18«Դրական ու հուսադրող միտում տեսա»․ Արամ Սարգսյան
12719:48«Հայաստանը համաձայնել է վերադարձնել ադրբեջանական չորս գյուղերը»․ Հաջիզադե
10519:00«Հայտնի է Տավուշի հանձնման ժամկետը»․ Վարուժան Գեղամյան
16418:18«Պետությունը դեգրադացիայի մեջ է մտել». Վահե Հովհաննիսյան (տեսանյութ)
9116:54«Իրանը միջուկային զենք չունի»․ Լավրով
18216:36«Ժողովուրդը երբեք ոտքի չի կանգնի, եթե չլինի առաջնորդություն». Դավիթ Անանյան (տեսանյութ)
10016:30