Ուրբաթ, 22 հունիսի, 2018 թ.
|
Ստեփանակերտում`   +17 °C

«Նախանձո՞ւմ եք, որ մենք այդպիսի հնարավորություն ունենք». Աշոտյանը՝ Նիկոլ Փաշինյանին

«Նախանձո՞ւմ եք, որ մենք այդպիսի հնարավորություն ունենք». Աշոտյանը՝ Նիկոլ Փաշինյանին
896
Հինգշաբթի, 07 հունիսի, 2018 թ., 16:15

«Վարչապետի ելույթը դուրս եկավ՝ ավելի լավն էր, քան ծրագիրը: Երբ Դուք ընդդիմադիր էիք, պարոն վարչապետ, այստեղ փայլուն ելույթներ էիք ունենում, վստահ եմ՝ կերազեիք, որ նման կառավարություն այդպիսի ծրագիր բերեր, որպեսզի ելույթներ ունենայիք, վարպետության դաս տայիք: Անկեղծ ասեք՝ նախանձո՞ւմ եք, որ մենք այդպիսի հնարավորություն ունենք»,- դիմելով Նիկոլ Փաշինյանին՝ ասաց ՀՀԿ խմբակցությկան պատգամավոր Արմեն Աշոտյանը և շարունակեց. «1919-ին, երբ Ֆրանսիայի վարչապետը շնորհավորում էր Լեհաստանի անկախության 1-ին վարչապետերից մեկին՝ աշխարհահռչակ դաշնակահար Պադերևսկուն, իր նամակի մեջ գրել էր. «Դուք մեծ արտիստ էիք, դարձաք շարքային վարչապետ»: Աշոտյանն անդրադարձավ կառավարության ծրագրում արցախյան հիմնախնդրի ձևակերպմանն ու ասաց, որ «դրանից որևէ մեկը որևէ բան չի հասկանում». «Խնդրում եմ Ձեզ, տվեք արցախյան խնդրի կարգավորման այսօրվա իշխանական բանաձևը, որ մենք առաջ տանենք, բայց հստակ տվեք, գոնե ականջներիս ասեք: Ես միշտ գիտեի, որ հակամարտությունը ծագել է, որովհետև Ադրբեջանը հարձակվել է Ղարաբաղի ու Հայաստանի վրա, որովհետև Արցախի ժողովուրդը կյանքի է կոչել իր ինքնորոշման իրավունքը, ազատ ապրելու իրավունքը: Ո՞նց կարելի է գրել, որ կոնֆլիկիտի հիմնական կողմն Արցախն է: Հանեք «հիմնական» բառը, խմբագրեք»,- շեշտեց Աշոտյանը: