«Որտեղի՞ց Հայաստանին Սու-30ՍՄ». Regnum
1547 Երկուշաբթի, 18 հունիսի, 2018 թ., 15:40 ՀՀ վարչապետ Նիկոլ Փաշինյանը երեկ Facebook-ի իր էջում բավականին հետաքրքիր լուսանկար էր հրապարակել՝ ռուսական Սու-30ՍՄ բազմաֆունկցիոնալ կործանիչի խցիկից, գրում է Regnum գործակալությունը: Փաշինյանը լուսանկարին կից գրել էր, որ գտնվում է աշխարհի լավագույն կործանիչներից մեկի օդաչուի խցիկում և որ արդեն Երևանում է: «Հարց է ծագում՝ որտեղի՞ց «Էրեբունի» ավիաբազայում, որտեղ տեղակայված են ՄիԳ-29 կործանիչները, հայտնվեց Սու-30ՍՄ-ը: Այն պատկանում է ռուսական օդատիեզերական ուժերի՞ն, թե՞ ձեռք է բերվել Հայաստանի կողմից»,- գրում է գործակալությունը: ՀՀ ՊՆ-ում գործակալության զրուցակիցն ասել է, որ Երևանը կործանիչի ձեռքբերման հարցով բանակցություններ է վարում ռուսական կողմի հետ, ընդ որում՝ բանակցությունները բավականին արդյունավետ փուլում են գտնվում: Աղբյուրը նաև հայտնել է, որ բանակցությունների հաջող ընթացքի դեպքում պայմանագիր կկնքվի մոտակա 1-2 տարվա ընթացքում: Regnum-ը նկատում է, որ Նիկոլ Փաշինյանի ցուցադրած կործանիչը պատկանում է ռուսական օդատիեզերական ուժերին և, ամենայն հավանականությամբ, համալրել է մեքենաների խումբն ինչպես մարտական թռիչքների անցկացման, այնպես էլ հայ զինվորականներին և ղեկավարությանը հնարավորությունների ցուցադրության համար: Գործակալությունը նաև հիշեցնում է, որ Հայաստանը չունի կործանիչ ավիացիա. մարտական ինքնաթիռներից առկա են 15 Սու-25 ռմբակոծիչներ, 18 ՄիԳ-29 կործանիչներ «Էրեբունի» ավիաբազայում, որոնք տարեցտարի զգալիորեն հնանում են: Եվ այդ առումով, ինչպես նշում է գործակալությունը, տրամաբանական էր այն փոխարինել Սու-30ՍՄ-ով: Գործակալությունը հավելում է, որ Ադրբեջանը մեծ քանակությամբ Սու-25 ռմբակոծիչներ և ՄիԳ-29 կործանիչներ ունի, իսկ վերջերս մեծ քանակությամբ իսրայելական անօդաչու թռչող սարքեր ձեռք բերեց: «Սու-30ՍՄ-ը զգալիորեն կմեծացնի Երևանի և Ստեփանակերտի հարձակողական հնարավորություններն ու սպառնալիքի տակ կդնի Ադրբեջանի նավթագազային ենթակառուցվածքն ու այլ կարևոր թիրախներ, ինչը կարևոր դեր կխաղա լայնամասշտաբ պատերազմը կանխելու գործում»,- եզրափակում է Regnum-ը: |
«Այսինքն ի՞նչ, պիտի մի հատ էլ դիմո՞ւմ գրենք, որ սառեցրել ենք». Ալեն Սիմոնյան
76Երեկ, 22:48Ֆրանսիական բանակը միջոցներ չունի՝ Ռուսաստանի հետ պատերազմելու համար․ #LeFigaro
176Երեկ, 17:24«Ադրբեջանի վարքագիծն անընդունելի է». Ռուստամ Բաքոյան (տեսանյութ)
120Երեկ, 17:06«Միակողմանի զիջումը ոչ միայն չի կանխելու պատերազմը, այլև արագացնելու է այն»․ Տ․ Հայրապետյան
95Երեկ, 17:00Ուկրաինան 2000 կմ ամրություն է կառուցում՝ տարածքները պահելու համար․ #FinancialTimes
279Երեկ, 16:48«Չեմ բացառում, որ Արցախի գործիչների նկատմամբ հետապնդումների նոր ալիք սկսվի»․ Իշխան Սաղաթելյան
98Երեկ, 16:30«Սահմանը պետք է գծել Խորհրդային Հայաստանի առաջին սահմանով»․ Տիգրան Աթանեսյան
84Երեկ, 16:18«Կամ գյուղերը կհանձնեն խաղաղ, կամ ուժային գործողության արդյունքում»․ ադրբեջանցի պատգամավոր
121Երեկ, 16:00