Հինգշաբթի, 19 հուլիսի, 2018 թ.
|
Ստեփանակերտում`   +17 °C

«Բացառում եմ, որ իմ իմացությամբ որևէ պաշտոնյայի երեխա կխուսափի զինվորական ծառայությունից». Դավիթ Տոնոյան

«Բացառում եմ, որ իմ իմացությամբ որևէ պաշտոնյայի երեխա կխուսափի զինվորական ծառայությունից». Դավիթ Տոնոյան
132
Երկուշաբթի, 09 հուլիսի, 2018 թ., 16:25

«Ես բացառում եմ, որ իմ իմացությամբ որևէ պաշտոնյայի երեխա կխուսափի զինվորական ծառայությունից»,- այսօր Կենտրոնական հավաքակայանում լրագրողների հետ զրույցում ասել է Պաշտպանության նախարար Դավիթ Տոնոյանը։

Հարցին՝ այն պաշտոնյաների երեխաները, որոնք արտոնյալ պայմաններում տարկետում են ստացել, ի՞նչ է արվում այդ ուղղությամբ, Դ. Տոնոյանը պատասխանել է, որ այդ գործերն ուսումնասիրվում են: «Այդ ուղղությամբ որոշակի աշխատանքներ են տարվում։ Եթե եղել են խախտումներ, օրենքի սահմաններում պետք է վերականգնվի նրանց ծառայության իրավունքը»։

Դավիթ Տոնոյանը նաև դիտողություն է արել լրագրողներին, որ չափազանց մեծ ուշադրություն են դարձնում վարչապետի որդու զինծառայության փաստին՝ խնդրելով բոլոր զինվորների հանդեպ հավասարություն սահմանել:

Անդրադառնալով սահմանային իրավիճակին՝ նախարաը նշել է, որ վիճակը վերահսկելի է թե՛ Նախիջևանի, թե՛ Արցախի հյուսիսային ուղղությամբ: