«Իսկ մենք Հայաստանը կվերածենք անմարդաբնակ տարածքի». Բաքվի սպառնալիքներն՝ ի պատասխան Լևոն Մնացականյանի հայտարարության
2701 Չորեքշաբթի, 25 հուլիսի, 2018 թ., 13:00 Ադրբեջանի պաշտպանության նախարարությունն արձագանքել է Արցախի պաշտպանության նախարար Լևոն Մնացականյանի այն հայտարարությանը, որ անհրաժեշտության դեպքում հայկական կողմը կարող է հարված հասցնել Մինգեչաուրի ջրամբարին: «Մինգեչաուրի ջրամբարին հարված հասցնելն, իհարկե, մտնում է մեր մարտավարական պլանների մեջ: Սովորաբար ռազմարվեստը պահանջում է մարտական գործողությունները վերսկսելու դեպքում հարվածներ հասցնել ինչպես նման օբյեկտներին, այնպես էլ ռազմական օբյեկտներին, որոնց հարված հասցնելը վնաս կտա տնտեսությանը: Այդ օբյեկտը մեր պլաններում է: Եթե հարվածելու անհրաժեշտություն լինի, մենք վայրկյան անգամ չենք երկմտելու»,- ասել էր Լևոն Մնացականյանը: Ադրբեջանի ՊՆ-ի սպառնալից հայտարարության մեջ ասվում է, որ Հայաստանում ևս կան նման օբյեկտներ, «որոնք հարվածի դեպքում մեկ հարյուրամյակով կյանքի համար անպիտան կդառնան»: Հիշեցնենք, որ օրեր առաջ հայտարարությամբ էր հանդես եկել նաև ՀՀ պաշտպանության նախարար Դավիթ Տոնոյանը, ով ասել էր, որ 2016թ. ապրիլյան ագրեսիայի կրկնության դեպքում հայկական կողմը կարող է զերծ չմնալ իր ունեցած ողջ զինանոցը կիրառելու «գայթակղությունից»՝ հակառակորդին վճռական և մասշտաբային դիմադրություն ցույց տալու համար: Այսօր էլ ՀՀ վարչապետ Նիկոլ Փաշինյանը՝ մեկնաբանելով Դավիթ Տոնոյանի հայտարարությունն, ասել է, որ պաշտպանության նախարարը շատ ճիշտ է արել, որ այդպիսի հայտարարություն է արել: |
«Եվրոպան նախապատերազմական փուլում է»․ Դոնալդ Տուսկ
16317:36«Նպատակը Երևանին Մոսկվայից ու ԵԱՏՄ-ից հեռացնելն է»․ ՌԴ ԱԳՆ
14417:00«ԱՄՆ պետդեպի հայտարարությունները փաստում են՝ պետք չէ ապրիլի 5-ի հանդիպմանը վերաբերվել որպես բացառիկ իրադարձություն»․ Տ․ Հայրապետյան
7616:48«102-րդ ռազմաբազան Հայաստանի ինքնիշխանության միակ երաշխիքն է»․ ՌԴ ԱԳՆ
15316:36«Վտանգավոր Մհերը»․ Էդգար Ղազարյան
8516:24«Նեղացկոտ էֆենդին արգելել է»․ Մարգարիտա Սիմոնյան
18815:54Ադրբեջանական հեռուստաալիքը պարզաբանել է՝ ինչու չի ցուցադրել Արայիկ Հարությունյանի հարցազրույցը
15515:18«Միայն Ներքին Հանդում 2700 հա գտնվում է ադրբեջանական օկուպացիայի ներքո»․ Արման Թաթոյան (տեսանյութ)
6514:30