«Սուրբ Նշանի որոնումներում». Անամարիա Վարդապետյանի գեղանկարչական աշխատանքների և արվեստագետի գրքերի ցուցահանդես

623

Երեքշաբթի, 25 սեպտեմբերի, 2018 թ., 00:10

Սեպտեմբերի 26-ին՝ 15:00-ին, Ժողովրդական արվեստի կենտրոնում տեղի կունենա Սերբիայի նկարիչների միության անդամ Անամարիա Վարդապետյանի անհատական ցուցահանդեսի բացումը:

Անամարիայի նախնիները Կարինի (Էրզրում) մոտակայքում գտնվող Սուրբ Նշան վանքի տարածքից են: Ահա այդ տեղանունից էլ ծնունդ է առել իր ստեղծագործությունների ցուցահանդեսի անվանումը՝ «Սուրբ Նշանի որոնումներում», ինչպես նաև գրքարվեստով զբաղվելու նրա մտահղացումը:

Վարդապետյանի արվեստաբանական ուսումնասիրություններն առնչվում են հայ միջնադարյան հուշարձաններին ու զարդաքանդակներին, ինչպես նաև Սերբիայում միջնադարից մինչ օրս պահպանված հայկական հուշարձաններին և 1993 թ. Սերբիայում տեղադրված երկու խաչքարերի զարդաքանդակներին: