Ուրբաթ, 29 մարտի, 2024 թ.
|
Ստեփանակերտում`   +16 °C

Լավրովն ու ԵԱՀԿ նախագահը ԼՂ հարցով քննարկում են անցկացրել

Լավրովն ու ԵԱՀԿ նախագահը ԼՂ հարցով քննարկում են անցկացրել
788
Հինգշաբթի, 01 փետրվարի, 2018 թ., 15:35

ԵԱՀԿ-ն շարունակում է Արցախի Հանրապետության հակամարտության կարգավորման հարցով ակտիվ աշխատանքները: Այս մասին ԵԱՀԿ գործող նախագահ Անջելինո Ալֆանոյի հետ համատեղ մամուլի ասուլիսի ժամանակ ասել է ՌԴ ԱԳՆ ղեկավար Սերգեյ Լավրովը, փոխանցում է ТАСС-ը:

«Մեր համատեղ ջանքերով ԵԱՀԿ-ն շարունակում է մերձդնեստրյան և արցախյան հակամարտությունների լուծման հարցում իր ներդրումն, ինչպես նաև՝ Հարավային Կովկասում անվտանգության ապահովումը»,- ասել է Լավրովը:

Իր հերթին Ալֆանոն հայտարարել է, որ ԵԱՀԿ-ն մտադիր է նպաստել ձգձգվող հակամարտությունների լուծմանն ուղղված ցանկացած ջանքի:

Խոսելով տարածաշրջանում հակամարտության կարգավորման հարցում ՌԴ-ի դերի մասին, Ալֆանոն նշել է, որ Ռուսաստանի դերը մեծ է և կարևոր:

Նշենք, որ ԵԱՀԿ գործող նախագահ, Իտալիայի ԱԳՆ ղեկավար Անջելինո Ալֆանոն աշխատանքային այցով գտնվում է Ռուսաստանում: