Հինգշաբթի, 28 մարտի, 2024 թ.
|
Ստեփանակերտում`   +12 °C

Լավրովը խոսել է արցախյան հակամարտության գոտում դիտորդների թվի ավելացման մասին

Լավրովը խոսել է արցախյան հակամարտության գոտում դիտորդների թվի ավելացման մասին
979
Հինգշաբթի, 01 փետրվարի, 2018 թ., 17:00

«Խոսքն այստեղ արցախյան հակամարտության գոտում ԵԱՀԿ դիտորդների թվի մեծացման և ոչ այնքան ԵԱՀԿ գործող նախագահի գրասենյակի ընդլայնման մասին է»: Այս մասին, ինչպես հայտնում է АПА-ն, Իտալիայի արտգործնախարար, ԵԱՀԿ գործող նախագահ Անջելինո Ալֆանոյի հետ հանդիպումից հետո ասել է ՌԴ արտգործնախարար ղեկավար Սերգեյ Լավրովը:

Նրա խոսքով՝ դեռևս 2010թ. սկզբին բանակցություններ անցկացվեցին վստահության հաստատման համար միջոցառումների ամրապնդման շուրջ:

«Հայտնի իրադարձություններից հետո, որոնք տեղի ունեցած շփման գծում 2016թ. ապրիլին, Վիեննայում Ադրբեջանի և Հայաստանի նախագահների հանդիպում կայացավ: Նույն տարվա հունիսին Սանկտ Պետերբուրգում հանդիպեցին ՌԴ, Ադրբեջանի և Հայաստանի նախագահները: Հանդիպումների ժամանակ կողմերը վստահության ամրապնդման համար կոնկրետ միջոցներ ձեռնարկելու շուրջ համաձայնության հասան: Ըստ այդ համաձայնությունների՝ շփման գծում պետք է ավելացվեին ևս 6-7 մարդ: Մինչ օրս այդ ուղղությամբ աշխատանքները շարունակվում են: Հուսանք, որ ԵԱՀԿ-ն օպերատիվ կիրականացնի այդ համաձայնությունը»,- ասել է Լավրովը: