«Երևանը վերադարձնելու Ալիևի հայտարարությունը բացարձակ անհեթեթություն է». Взгляд
1245 Շաբաթ, 10 փետրվարի, 2018 թ., 14:40 Ադրբեջանի նախագահ Իլհամ Ալիևի այն հայտարարությունը, որ Երևանն «Ադրբեջանի պատմական հողն» է, հետաքրքիր է ոչ միայն այն առումով, որ այն գիտական տեսանկյունից բացարձակ անհեթեթություն է: Գլխավորն այն է, որ նման միֆերը հաճախ իրական պատերազմի են հանգեցնում, և պատմության մեջ շատ են նման օրինակները: Այս մասին գրում է Взгляд պարբերականն իր՝ «Ինչո՞ւ է Ալիևը «պատմական և հզոր Ադրբեջանի» մասին միֆեր ստեղծում» վերնագրով հոդվածում: Ալիևը օրեր առաջ հայտարարել էր, որ իր երկիրը պետք է «չմոռանա իր պատմական հողերի մասին և վերադարձնի Երևանը»: «Մենք պետք է վերադարձնենք մեր պատմական հողերը՝ Երևանի խանությունը, Զանգեզուրը, Գեյչեն (Զանգեզուր՝ Սյունիք, Գեյչե՝ Սևան)»,- գրում է պարբերականը՝ հղում անելով ադրբեջանական կայքերից մեկին: Ալիևը նաև հայտարարել է, որ այժմ Ադրբեջանում «պատմական հողերի մասին գիտական աշխատություններ են գրվում, ֆիլմեր են նկարահանվում, ցուցադրություններ են կազմակերպվում»: Պարբերականը նշում է, որ Երևանում այս հայտարարությունը կտրուկ քննադատության է արժանացել: ՀՀ ԱԳՆ-ն Ադրբեջանին մեղադրել է ռասիզմի համար: «Ակնհայտ է, որ Ալիևը նման հայտարարություն է արել Ադրբեջանում նախագահական ընտրություններից առաջ, որոնք կանցկացվեն այս տարվա ապրիլին: Իհարկե, այդ հայտարարությունները բացառապես «ներքին օգտագործման» համար են: Դրանք որևէ լուրջ հետևանքի չեն հանգեցնի: Լեռնային Ղարաբաղում հակամարտության սրացում պետք չէ սպասել»,- նշում է Взгляд-ը: |
«Ինչպե՞ս պետք է գործի ՀԱՊԿ-ը, եթե ՀՀ իշխանությունն ինքն է բնակավայրեր հանձնում Ադրբեջանին»․ Զախարովա
2514:18«Այսպես ասած՝ «ջենթլմենական» համաձայնություն էր ձեռք բերվել ԼՂ կարգավիճակի հարցը հետաձգելու շուրջ»․ Զախարովա
6613:54«Ադրբեջանը ոչինչ չի կարող անել՝ Ուկրաինային օգնելու համար»․ Ալիև
10312:24«Էքսկլավների հարցն ավելի բարդ է»․ Ալիև
11211:18Կառավարության նիստը՝ ուղիղ միացմամբ (տեսանյութ)
7911:00«Ռուսաստանը երբեք չի հեռանա Հարավային Կովկասից»․ Ալիև
12210:48Բայդենը «կանաչ լույս է վառել» Ուկրաինայի համար
23910:30«Անկլավների հանձնումը կաթվածահար է անելու ՀՀ-ն»․ Տիգրան Աբրահամյան
10110:24