Մարտակերտում բացվել է անհայտ կորածների հիշատակին կառուցված հուշարձան-պուրակ

1256

Ուրբաթ, 16 մարտի, 2018 թ., 17:45

Մարտակերտ քաղաքում Կարմիր խաչի միջազգային կոմիտեի Արցախի գրասենյակի նախաձեռնությամբ կառուցվել է ԱՊ անհայտ կորածների հիշատակին հուշարձան-պուրակ, որի բացման արարողությունը տեղի է ունեցել այսօր՝ մարտի 16-ին: Այս մասին տեղեկացնում է Մարտակերտի շրջանի «Ջրաբերդ» պաշտոնաթերթի ֆեյսբուքյան էջը:

Մարտակերտի շրջանից անհայտ կորել են 45 ազատամարտիկներ, իսկ Մարաղա գյուղից և այլ գյուղերից ևս կան անհայտ կորածներ, որոնց ճակատագրերը մինչև հիմա անհայտ են:

Միջոցառմանը ելույթ են ունեցել անհայտ կորած ազատամարտիկների հարազատները:

Այնուհետև մասնակիցները ծաղիկներ են դրել հուշարձանին՝ որպես խոնարհում:

«...Իհարկե, մայրերը միշտ կսպասեն իրենց որդիների վերադարձին, և ինչպես նրանք են ասում, նրանք գիշերները չեն կողպում իրենց տան դռները, մտածեում են՝ «որդիս կգա...»: