«Վրաստանն ու Ռուսաստանը համաձայնության են եկել չքաղաքականացնել դեպի Հայաստան առևտրային միջանցքների թեման». Աբաշիձե
1523 Երկուշաբթի, 04 հունիսի, 2018 թ., 16:45 Ռուսաստանի հետ հարաբերությունների կարգավորման հարցերով՝ Վրաստանի նախագահի հատուկ ներկայացուցիչ Զուրաբ Աբաշիձեն Թբիլիսիի STV հեռուստաընկերությանը տված հարցազրույցում հայտարարել է, որ Վրաստանն ու Ռուսաստանը համաձայնության են եկել չքաղաքականացնել դեպի Հայաստան առևտրային միջանցքների թեման, փոխացում է «Грузия онлайн»-ը: Նշենք, որ ավելի վաղ Աբաշիձեն հայտարարել էր, որ Վրաստանը պատրաստ է պայմանավորվել Ռուսաստանի հետ դեպի Հայաստան առևտրային միջանցքների հարցով: «Մենք Պրահայում պայմանավորվածություն ենք ձեռք բերել, որ չենք քաղաքականացնի այդ թեման: 2011-ին կնքված «Մաքսային վարչարարության և ապրանքի առևտրի մոնիթորինգի մեխանիզմի հիմնական սկզբունքների մասին» համաձայնագիրը կապված է այդ թվականին կայացված որոշակի որոշումների հետ, երբ Ռուսաստանը դարձավ Առևտրի համաշխարհային կազմակերպության անդամ: Այդ համաձայնագիրը ստորագրվել է ԱՀԿ-ի շրջանակներում: Շահերի մասին դժվար է խոսել»,- ասել է Աբաշիձեն: Զուրաբ Աբաշիձեն դժվարացել է պատասխանել նաև այն հարցին, թե Վրաստանի համար այդ համաձայնագիրը քաղաքական է, թե տնտեսական: «Նախ թող աշխատի, ապա կդատենք, թե ինչ արդյունքներ կլինեն»,- հավելել է Աբաշիձեն: Հավելենք, որ Պրահայում Վրաստանի և Ռուսաստանի ներկայացուցիչների միջև կայացած հանդիպումից հետո ՀՀ փոխվարչապետ Տիգրան Ավինյանը հայտարարել էր, որ կունենանք այլընտրանք Վերին Լարսին: |
Ժապարովն ու Ալիևը այցելել են օկուպացված Արցախ
3916:00«Ուկրաինան շուտով կդադարի գոյություն ունենալ, եթե․․․»․ Լուկաշենկո
8015:48«Սահմանը ձգվելու է Բաղանիսի այժմյան աղբավայրի մեջտեղով»․ Ոսկան Սարգսյան
4915:30«Թող հետո չլացեն, ասեն՝ Նիկոլի հրամանն էինք կատարում»․ Գեղամ Մանուկյանը՝ բարձրաստիճան զինվորականներին (տեսանյութ)
7615:18«Ուժերը մեզ վրա է պատո՞ւմ, թե՞ չեն ընկալում ՀՀ-ն որպես անկախ պետություն». Ալեն Սիմոնյան (տեսանյութ)
9315:06«ԵՄ առաքելությունը կոչված է լրտեսական գործունեություն ծավալելու տարածաշրջանում»․ Զախարովա
6414:36«Ինչպե՞ս պետք է գործի ՀԱՊԿ-ը, եթե ՀՀ իշխանությունն ինքն է բնակավայրեր հանձնում Ադրբեջանին»․ Զախարովա
10414:18«Այսպես ասած՝ «ջենթլմենական» համաձայնություն էր ձեռք բերվել ԼՂ կարգավիճակի հարցը հետաձգելու շուրջ»․ Զախարովա
10113:54