«Հայաստանում ժողովրդավարական հեղափոխությունից հետո Ադրբեջանն ավելի ագրեսիվ դարձավ». Նիկոլ Փաշինյան

Բրյուսելյան այցի ժամանակ, ՆԱՏՕ-ի կենտրոնակայանում ՀՀ վարչապետ Նիկոլ Փաշինյանն անդրադարձել է Ադրբեջանի վարած քաղականությանը՝ նշելով, որ այն ոչ կառուցողական է. «Ցավոք սրտի, Հայաստանում ժողովրդավարության առաջխաղացման և Հայաստանում ժողովրդավարական հեղափոխությունից հետո Ադրբեջանն ավելի ագրեսիվ դարձավ, ես նկատում եմ ագրեսիվ գործողություններ՝ հայ-ադրբեջանական սահմանի երկայնքով: Այս ագրեսիան միայն Հայաստանի դեմ չի ուղղված, դա նաև ագրեսիա է մեր տարածաշրջանում ժողովրդավարության դեմ»,- կարծիք է հայտնել նա՝ հավելելով, որ ադրբեջանական ցանկացած հարձակում Հայաստանի դեմ նաև հարձակում է ժողովրդավարության դեմ։

Հիշեցնենք՝ վարչապետ Նիկոլ Փաշինյանն աշխատանքային այցով մեկնել է Բելգիայի Թագավորություն՝ մասնակցելու ՆԱՏՕ-ի գագաթնաժողովին: