Մերկելն ու Ալիևը քննարկել են ԼՂ հակամարտության կարգավորումը

Բաքվի օդանավակայանում դիմավորման պաշտոնական արարողությունից հետո կայացել է Անգելա Մերկելի ու Իլհամ Ալիևի հանդիպումը՝ ընդլայնված կազմով: Երկու երկրների առաջնորդները հանդես են եկել ելույթով, հայտնում է АЗЕРТАДЖ-ը՝ հավելելով, որ քննարկվել է նաև ղարաբաղյան հակամարտության կարգավորման հարցը: «Գերմանիան կշարունակի ջանքեր գործադրել հակամարտության քաղաքական լուծմանը հասնելու նպատակով»,- ասել է Մերկելը: Բանակցությունների ընթացքում քննարկված մյուս թեման եղել է Բաքվի և Բեռլինի տնտեսական կապերի ամրապնդումը:

Հիշեցնենք՝ ՀՀ վարչապետ Նիկոլ Փաշինյանի հետ երեկվա հանդիպման ժամանակ Մերկելը հայտարարել էր. «Մենք պատրաստ ենք պատասխանատվություն ստանձնել՝ Լեռնային Ղարաբաղի հակամարտության կարգավորման հարցում: Գիտեք, Գերմանիան ԵԱՀԿ Մինսկի խմբի անդամ է, և մենք խոսել ենք այն մասին, որ լավ կլինի, իհարկե, լուծել հակամարտությունները, բայց այն պետք է լուծվի այնպիսի մթնոլորտում, որտեղ բոլոր կողմերը պատրաստ են դրան, և Գերմանիան պատրաստ է նաև այստեղ քաղաքական պատասխանատվություն ստանձնել»: