«ՀԱՊԿ-ին անդամակցելու՝ Բաքվի մտադրությունն իրական է». փորձագետներ
1547 Երկուշաբթի, 27 օգոստոսի, 2018 թ., 13:30 Մոսկվայում օգոստոսի 16-17-ը կայացել են ՀԱՊԿ անդամ պետությունների համապատասխան մարմինների ներկայացուցիչների մասնակցությամբ խորհրդակցությունները՝ կազմակերպությունում դիտորդի կարգավիճակի և ՀԱՊԿ գործընկերոջ իրավական կարգավիճակի մասին փաստաթղթերի համաձայնեցման համար: Ադրբեջանական լրատվամիջոցներն ավելի վաղ գրել էին, որ Ադրբեջանը կստանա ՀԱՊԿ գործընկերոջ և դիտորդի կարգավիճակ, որից հետո կազմակերպության լիիրավ անդամ կդառնա: Այդ տեղեկությունը EADaily-ի հետ զրույցում մեկնաբանել են փորձագետները: Ռազմական և քաղաքական վերլուծություն ինստիտուտի փոխտնօրեն Ալեքսանդր Խրամչիխինը Ադրբեջանը հնարավոր անդամակցությունը «կասկածելի բնույթի հեռանկար» է անվանել: «ՀԱՊԿ կանոնադրության բազմաթիվ հոդվածներում ասվում է, որ անդամ երկրները համատեղ ջանքեր են գործադրում փոխադարձ անվտանգության ապահովման համար: Հետևաբար, անդամ երկրները չեն կարող ռազմական գործողություններ, դիվանագիտական և տեղեկատվական պատերազմներ մղել միմյանց դեմ: ՆԱՏՕ-ի կանոնադրության մեջ նույնն է ասվում: Եվ ի՞նչ: Լինելով ՆԱՏՕ-ի անդամ՝ Հունաստանն ու Թուրքիան թշնամիներ են, իսկ 1974թ.-ին պատերազմեցին միմյանց դեմ: Ռազմական տեսանկյունից՝ ՀԱՊԿ-ին Ադրբեջանի անդամակցությունն անհնար է»,- կարծիք է հայտնել փորձագետը: Մեկ այլ՝ ՄԳԻՄՕ ռազմաքաղաքական հետազոտությունների կենտրոնի փորձագետ Միխայիլ Ալեքսանդրովն ասել է, որ ի տարբերություն Հայաստանի, որը Ռուսաստանի իրական ռազմաքաղաքական դաշնակիցն է, Ադրբեջանն անհասկանալի քաղաքականություն է վարում: Սակայն, միևնույն ժամանակ, նա կարծիք է հայտնել, որ Բաքվի մտադրությունն իրական է: Նրա խոսքով՝ Բաքվում ուշադիր հետևում են Հայաստանի իրավիճակին թավշյա հեղափոխությունից հետո: «Մոսկվայում Հայաստանի թավշյա հեղափոխությունն անվստահություն չէր առաջացնի, եթե չլինեին նախկին նախագահ Ռոբերտ Քոչարյանի և ՀԱՊԿ գլխավոր քարտուղար Յուրի Խաչատուրովի ձերբակալությունները: Խաչատուրովի ձերբակալությունն աննախադեպ էր: Մոսկվայում այդ ձերբակալությունն ընդունեցին ոչ թե որպես Հայաստանի ներքին գործ, այլ որպես սադրանք՝ ուղղված ՀԱՊԿ-ին»,- հավելել է փորձագետը: Բացի այդ, ըստ փորձագետների, ՀԱՊԿ-ին Բաքվի հնարավոր անդամակցությունը չի ազդի Լեռնային Ղարաբաղի հակամարտության հարցին: |
«Ընդդիմությունը պարտավոր է բարձրացնել կապիտուլյանտին անվստահություն հայտնելու հարց». Տ. Աթանեսյան
3216:30«Արդեն վախենալու է, թե Հայաստանի ղեկավարը վաղն ինչ ուղերձով է հանդես գալու»․ Վ․ Գեղամյան
4216:24«Բաքուն, առավել քան երբևէ, մոտ է Երևանի հետ խաղաղությանը»․ Ալիև
8416:00«Երկու երկրների ղեկավարները քննարկել են Ադրբեջանի և Հայաստանի միջև խաղաղության պայմանագրի շուրջ բանակցությունները»․ Հաջիև
7915:48«Էդ ստերը որ գրենք՝ «հաղթելու ենք», «դագդիգագան նահանջ», ստեղից Բաղանիս կհասնի». Արթուր Խաչատրյան (տեսանյութ)
5815:36«Բաքուն համաձայնել է Ղազախստանում Հայաստանի և Ադրբեջանի ԱԳ նախարարների հանդիպմանը»․ Ալիև
9415:30«ԵԱՏՄ-ին անդամակցելու ծրագրեր չունենք»․ Ալիև
11815:24«Տավուշից տեղեկություններ կան, որ զինված ուժերի վերատեղակայում է տեղի ունենում»․ Արթուր Խաչատրյան (տեսանյութ)
5214:54