Օձաբերդ հնավայրը տարածաշրջանում կարող է դառնալ զբոսաշրջային կարևոր կենտրոն
990 Հինգշաբթի, 06 սեպտեմբերի, 2018 թ., 01:05 «Պահպանության ծառայություն» ՊՈԱԿ-ի լրատվության բաժինը տեղեկացնում է, որ ՀՀ մշակույթի նախարարության «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի ֆինանսական աջակցությամբ հնագիտական պեղումներ են իրականացվել Գեղարքունիքի մարզի Ծովինար և Արծվանիստ գյուղերի միջև գտնվող Օձաբերդ հնավայրում:Այս տարի պեղումները կենտրոնացվել են երկու հատվածում՝ ամրոցում և արտաքին բնակատեղիում: Ամրոցում պեղումներն իրականացվել են միջնաբերդից հյուսիս-արևելք գտնվող հարթ հատվածում, որտեղ բացվել են կանոնավոր ճարտարապետությամբ, շարերով և մուտքերով կառույցների հատվածներ: Գլխավոր պատի հաստությունը 3 մ է, իսկ մյուս պատերինը՝ 1.5 մ: Վերջիններիս բարձրությունը հասնում է մոտ 2 մետրի: Հնագիտական արշավախմբի ղեկավար Միքայել Բադալյանի փոխանցմամբ, արձանագրվել է շինարարական մի քանի փուլ, որոնք կարելի է թվագրել Ք. ա. 8-րդ դարի կեսից մինչև 6-րդ դարի ավարտն ընկած ժամանակահատվածով: Գտնվելեն կավածեփ հատակներ, այրված շերտեր, ինչպես նաև՝ ամբողջական սափորիկ, որը կարելի է թվագրել Ք. ա. 7-5-րդ դարերով: Միքայել Բադալյանի խոսքովհայտնաբերվել են կարասների, տարատեսակ խեցեղենի բեկորներ, իլիկի գլուխներ, կենդանական ոսկորներ: «Ակնհայտ է, որ ուշ փուլում սենյակների հատակի մակարդակը բարձրացվել է: Նման պատերով և ճարտարապետությամբ կառույցներ կարծես թե չեն ֆիքսվել Սևանի հարավային ավազանի երկաթեդարյան որևէ ամրոցում»,-ասել է Մ. Բադալյանը: Պեղումներ են իրականացվել նաև ամրոցից հարավ գտնվող արտաքին բնակատեղիի հարավ-արևմտյան հատվածում: Բացվել է 2 մ լայնությամբ կիսակոպտատաշ քարերով հզոր պատի մի հատված՝ մոտ 16 մետր: Ֆիքսվել են կավածեփ հատակներ, տնտեսական հոր, ինչպես նաև կցապատեր: Հնագիտական արշավախմբի ղեկավարի խոսքով իրենք գործ ունեն բնակատեղիի արտաքին պարսպաշարի մի հատվածի հետ: Համաձայն նախնական շերտագրական դիտարկումների՝ այս կառույցը կարելի է թվագրել հետուրարտական ժամանակաշրջանով Ք. ա. 7-րդ դարի վերջ-6-րդ դար: Հավանաբար այն բարձրացվել է Ք. ա. 8-7-րդ դարի շերտերի վրա: Այս տեղամասից գտնվել են տարատեսակ խեցեղենի և շարժական կրակարանների հատվածներ, մետաղե բեկորներ, կենդանական ոսկորներ և այլն: Պատի հարավ-արևմտյան արտաքին անկյանքիչ հյուսիս ձգվող երկայնքով ուշ փուլում (հավանաբար հելլենիստական)արվել են թաղումներ: Այստեղ բացվել է խմբային և քիչ հյուսիս՝ մեկ կարասային թաղում: Հնամարդաբանական նյութը ներկայում ուսումնասիրում է ՊՈԱԿ-ի գիտաշխատող, հնամարդաբան Հասմիկ Սիմոնյանը։ Վերջին հինգ տարիներին Օձաբերդում իրականացված պեղումների արդյունքները ցույց են տալիս, որ հուշարձանը մեծ պոտոնցիալ ունի: Այն կարող է դառնալ կարևոր պատմամշակութային և զբոսաշրջային կենտրոն տարածաշրջանում: Օձաբերդի պեղված տեղամասերը կկոնսերվացվեն մինչև հաջորդ պեղաշրջանը։ |
Նոր բացահայտումներ՝ Բերդկունք ամրոցում (լուսանկար)
12300:24Ուրարտական դամբարան՝ Երևանում (տեսանյութ)
139Երեկ, 23:36«Պիտի հեռանան, որ հայ մնանք». Մխիթար Ավետիսյան (տեսանյութ)
223Երեկ, 00:48«Արցախի Տիգրանակերտի հնագիտական հետազոտությունն ամփոփող եռալեզու կայքն արդեն իրողություն է». Համլետ Պետրոսյան
704Երեկ, 00:18Արսեն Գրիգորյանը բեմից երգեց «Հիմի՞ էլ լռենք» երգը (տեսանյութ)
25018.05.2024, 21:24Արվեստի գործիչները Կառավարության շենքի առջև երգում են «Երազի իմ երկիր հայրենի»-ն (տեսանյութ)
26318.05.2024, 19:36«Պարտավոր ենք լինել եկեղեցու կողքին»․ Ալլա Լևոնյան (տեսանյութ)
21818.05.2024, 14:48Բագրատ Սրբազանը հանդիպում է մշակույթի գործիչների հետ․ ՈՒՂԻՂ ՄԻԱՑՈՒՄ (տեսանյութ)
21418.05.2024, 14:30