Սոչիում մեկնարկել են Պուտին-Էրդողան բանակցությունները

1328

Երկուշաբթի, 17 սեպտեմբերի, 2018 թ., 16:45

Սոչիում սկսվել են ՌԴ նախագահ Վլադիմիր Պուտինի և Թուրքիայի նախագահ Ռեջեփ Էրդողանի բանակցությունները, հաղորդում է РИА Новости-ն:
Ըստ տեղեկության՝ երկու պետությունների բանակցությունների առանցքային թեման կլինի սիրիական Իդլիբ քաղաքի իրավիճակը:

Մեկօրյա այցի շրջանակներում Էրդողանը երկկողմ հանդիպում կունենա ՌԴ նախագահի հետ:

Կողմերը կքննարկեն քաղաքականության, տնտեսության և էներգետիկայի հարցերը, ինչպես նաև կարծիքներ կփոխանակեն տարածաշրջանային և միջազգային օրակարգի հարցերի շուրջ: