«Հեռանալ՝ մնալու համար». Gazeta-ի անդրադարձը
1323 Չորեքշաբթի, 03 հոկտեմբերի, 2018 թ., 12:25 Gazeta-ն անդրադարձել է երեկ ՀՀ ԱԺ շենքի պաշարմանն ու արտահերթ խորհրդարանական ընտրություններ անցկացնելուն: Պարբերականը գրում է, որ Հայաստանում բողոքի հերթական ալիքը բարձրացավ, երբ վարչապետ Նիկոլ Փաշինյանը հայտարարեց առաջիկա հրաժարականի մասին՝ ընդ որում նշելով, որ կվերընտրվի արտահերթ ընտրություններին: «Հոկտեմբերի 2-ի երեկոյան վարչապետ Փաշինյանի աջակիցները շրջափակել էին խորհրդարանի շենքը՝ բողոքելով օրենսդրական փոփոխությունների դեմ: Փաշինյանի խոսքով՝ այդ քայլով նա չի ցանկանում ցույց տալ, որ կառչած է պաշտոնից, այլ ցանկանում է ընտրվել արդեն արտահերթ խորհրդարանական ընտրությունների արդյունքներով»,- ասվում է հոդվածում: Պարբերականը նշում է, որ Նիկոլ Փաշինյանը գնացել է Ազգային ժողով՝ բանակցելու խորհրդարանական ուժերի հետ և ավելի ուշ հայտարարել. «Այդ ուժերը բանավոր ասացին, որ առանց հուշագիր ստորագրելու էլ իրենք թեկնածու չեն առաջադրելու: Ես այդպես եմ ընկալել, թե իրենք հետո ուրիշ մեկնաբանություններ կտան այսօրվա բանակցություններին, դա ժամանակը ցույց կտա: Հայաստանում չկան և չեն կարող լինել փակ դռներ»: Պարբերականն առանձնահատուկ ուշադրություն է հատկացնում ապագայի նկատմամբ Նիկոլ Փաշինյանի վստահությանը՝ գրելով, որ օրեր առաջ նա հույս է հայտնել, որ ՌԴ նախագահ Վլադիմիր Պուտինը կայցելի Հայաստան: «Կարծում եմ՝ ճիշտ կլինի, եթե այցը կայանա մյուս տարի: Ինչո՞ւ, որպեսզի այցի ընթացքում համաձայնագրեր նախապատրաստվեն, փաստաթղթեր ստորագրվեն»,- պարբերականը մեջբերում է Նիկոլ Փաշինյանի՝ օրեր առաջ արված հայտարարությունը: Gazeta-ն հայաստանյան վերջին իրադարձությունների մասին հոդվածում հիշեցնում է նաև ՀՀ պաշտպանության նախարար Դավիթ Տոնոյանի հայտարարությունը, որում ասվում էր, որ Հայաստանը Ռուսաստանի հետ քննարկում է նոր ռազմական վարկի տրամադրման հնարավորությունը, որը կկազմի 100 միլիոն դոլար: Միջազգային այլ լրատվամիջոցներ ևս անդրադարձել էին երեկ տեղի ունեցած իրադարձություններին: |
«Եվրոպան նախապատերազմական փուլում է»․ Դոնալդ Տուսկ
10917:36«Նպատակը Երևանին Մոսկվայից ու ԵԱՏՄ-ից հեռացնելն է»․ ՌԴ ԱԳՆ
10317:00«ԱՄՆ պետդեպի հայտարարությունները փաստում են՝ պետք չէ ապրիլի 5-ի հանդիպմանը վերաբերվել որպես բացառիկ իրադարձություն»․ Տ․ Հայրապետյան
6416:48«102-րդ ռազմաբազան Հայաստանի ինքնիշխանության միակ երաշխիքն է»․ ՌԴ ԱԳՆ
12716:36«Վտանգավոր Մհերը»․ Էդգար Ղազարյան
7516:24«Նեղացկոտ էֆենդին արգելել է»․ Մարգարիտա Սիմոնյան
16515:54Ադրբեջանական հեռուստաալիքը պարզաբանել է՝ ինչու չի ցուցադրել Արայիկ Հարությունյանի հարցազրույցը
13915:18«Միայն Ներքին Հանդում 2700 հա գտնվում է ադրբեջանական օկուպացիայի ներքո»․ Արման Թաթոյան (տեսանյութ)
6414:30