1946 թ. Ազնավուրյան ընտանիքը դիմել է Հայաստան տեղափոխվելու խնդրանքով. արխիվային փաստաթղթեր

1087

Չորեքշաբթի, 03 հոկտեմբերի, 2018 թ., 21:45

1946 թվականին Ազնավուրյան ընտանիքը դիմել է ՀԽՍՀ Ներգաղթ կոմիտեին՝ Խորհրդային Հայաստան տեղափոխվելու խնդրանքով: Այզգային արխիվից ՀԺ-ին փոխանցել են, որ աշխարհահռչակ շանսոնյե Շառլ Ազնավուրի ընտանիքը ներգաղթի համար մերժում չի ստացել: «Մեզ մոտ փաստացի երևում է, որ նույնիսկ խորհրդային անձնագրեր են ստացել: Դրան զուգահեռ, այստեղ պահպանված են Շառլ Ազնավուրի հոր՝ Միշիկ Ազնավուրյանի և մոր՝ Քնար Ազնավուրյանի նամակները, որտեղ դիմել են՝ Հայաստան տեղափոխվելու խնդրանքով»,- փոխանցել է ազգային արխիվի գիտահետազոտական բաժնի վարիչ Գոհար Ավագյանը:

Ազգային արխիվից նաևտեղեկացրել են, որ երբ Ազնավուրյանները որոշել են գալ Հայաստան, լուրեր են տարածվել, որ այստեղ վիճակն այնքան էլ լավ չէ, ապրելու համար նորմալ պայմաններ չկան և կեղծ քարոզչություն է իրականացվում: Դրանից հետո Ազնավուրյանները հրաժարվել են Հայաստան գալու մտքից: