«Մոսկվային նյարդայնացնում է, որ Մինսկը խախտում է Երևանի և Բաքվի միջև ռազմավարական հավասարակշռությունը». «Коммерсант»

Մոսկվային նյարդայնացնում է Լուկաշենկոյի՝ «և մեզ, և ձեզ» սկզբունքով քաղաքականությունը, մասնավորապես, նրա մտերիմ հարաբերություններն Ուկրաինայի հետ, ինչպես նաև զենքի մատակարարումն Ադրբեջանին, գրում է «Коммерсант» պարբերականը:

Հոդվածում ասվում է, որ Բելառուսի նախագահ Ալեքսանդր Լուկաշենկոն պատմել է, թե ինչպես է իր երկիրը մտադիր պաշտպանվել պայմանական հակառակորդի ներխուժման դեպքում: Հայտարարությունից հետո Լուկաշենկոն ՌԴ նախագահ Վլադիմիր Պուտինին շնորհավորել է ծննդյան օրվա կապակցությամբ, ապա մեկ օր անց հանդիպել Ուկրաինայի նախկին նախագահ Վիկտոր Յուշչենկոյի հետ:

«Լուկաշենկոն Մոսկվայի հետ մեծ առևտրում նոր փաստարկներ է փնտրում: Ինչ վերաբերում է ռազմական մասին, Բելառուսը Չինաստանի հետ մշակել և արտադրում է «Պոլոնեզ» համազարկային կրակի ռեակտիվ համակարգերը»,- գրում է պարբերականի քաղաքական մեկնաբան Դմիտրի Դրիզեն:

«Բացի այն, որ «Պոլոնեզ»-ը մարտական հերթապահության է դրել ռուսական սահմանին, նաև այն վաճառում է Ադրբեջանին՝ այդպիսով խախտելով Երևանի և Բաքվի միջև ռազմավարական հավասարակշռությունը: Նման գործողությունները դժվար է դաշնակցային անվանել»,- հավելում է հոդվածագիրը: