Ինչո՞ւ է Ջոն Բոլթոնն այցելում Հայաստան. ռուսական մամուլ
1208 Երեքշաբթի, 16 հոկտեմբերի, 2018 թ., 11:30 Հոկտեմբերի 22-ին և 23-ին Մոսկվայում սպասում են ԱՄՆ նախագահի ազգային անվտանգության հարցերով խորհրդական Ջոն Բոլթոնի այցին: Ո՞րն է Ռուսաստան և Կովկաս Բոլթոնի այցի նպատակը, գրում է ռուսական Dailystorm պարբերականը: Բոլթոնը կլինի նաև Հայաստանում, Վրաստանում և Ադրբեջանում, որտեղ, ըստ ռուսական պարբերականի, կփորձի համոզել տեղի իշխանություններին չսատարել Իրանին: Պարբերականը նշում է, որ Թրամփի խորհրդականը Ռուսաստանն ու նրա արտաքին քաղաքականությունը քննադատելու մեծ սիրահար է: «Մոսկվան և Վաշինգթոնն արդեն 2 տարի միմյանց մեղադրում են նորագույն զենքի մշակման պատճառով համաձայնությունների խախտման համար: Ռուսաստանին մտահոգում է նաև տիեզերքում ԱՄՆ-ի նախաձեռնությունը: Ռուսաստանը հիշեցնում է, որ այդ տարածքում Միացյալ Նահանգներն ու ԽՍՀՄ-ը պայմանավորվել էին զենք չտեղակայել դեռևս 1967թ.: Հենց այդ հարցերը Բոլթոնը կքննարկի Մոսկվայում»,- ասել է պարբերականի զրուցակիցը: Եվս մեկ հարց, որի համար Բոլթոնը մեկնում է շրջագայության, Իրանի դեմ ամերիկյան պատժամիջոցներն են: Ըստ Dailystorm-ի՝ Բոլթոնը կփորձի համոզել Հայաստանին, Վրաստանին և Ադրբեջանին հրաժարվել Իրանի հետ համագործակցությունից և չգնել նրանից գազ և նավթ: Երևանի դեպքում, ինչպես ընդգծում է պարբերականը, դա բարդ խնդիր է. Իրանի հաշվին Հայաստանը մտադիր է էներգետիկ հարցերում ազատվել Ռուսաստանի կախվածությունից: «Հայերի հետ, հատկապես Իրանի հարցում, Բոլթոնը խնդիրներ կունենա»,- գրում է պաբերականը՝ հիշեցնելով, որ 2005թ., երբ ամերիկացի պաշտոնյան ՄԱԿ-ում ԱՄՆ-ի մշտական ներկայացուցիչն էր, Երևանը հանդես եկավ հակաթեհրանական քարոզարշավի դեմ: «Այդ ժամանակ Հայաստանի մշտական ներկայացուցիչ Արմեն Մարտիրոսյանն ամերիկացի իր գործընկերոջը քաղաքական քարտեզի օգնությամբ բացատրեց Հայաստանի դիրքորոշումը: Իսկ 2018թ. ապրիլին, երբ Բոլթոնը նշանակվեց իր ներկայի պաշտոնին, Մարտիրոսյանն այդ դեպքի մասին պատմեց Financial Times պարբերականին: Ամերիկյան մի շարք պարբերականներ Բոլթոնին ոչ իրազեկ անվանեցին՝ տարածաշրջանի իրողությունները չհասկանալու համար»,- հավելում է պարբերականը: |
«Բաքվի հերթական պահանջները». Արմենուհի Վարդանյան
4902:30«Կարելի է միայն ենթադրել, թե ինչեր է երգել Արայիկ Հարությունյանը»․ Ստեփան Դանիելյան
194Երեկ, 17:30«Տավուշն առաջին թիրախն է, երկրորդն արդեն Արարատը կլինի»․Տիգրան Աբրահամյան
123Երեկ, 17:24«Մեկ րոպե ուշացումը կործանարար է»․ Էդգար Ղազարյան
152Երեկ, 17:18Բողոքի ակցիա՝ կառավարության շենքի դիմաց (տեսանյութ)
148Երեկ, 16:54«Շատերը կասեն, թե Բագրատ Սրբազանը ռիսկ էր»․ Հակոբ Բադալյան
146Երեկ, 16:48«ՀՀ լինելիության հարցն ենք լուծում և լուծելու ենք»․ Նիկոլ Փաշինյան (տեսանյութ)
152Երեկ, 16:30«Ուրախալի է, որ Հայաստանն ու Ադրբեջանը սահմանազատման հետ կապված պայմանավորվածություն են ձեռք բերել»․ Շոլց
220Երեկ, 16:24