Ուրբաթ, 29 մարտի, 2024 թ.
|
Ստեփանակերտում`   +16 °C

«Հուսով ենք՝ մոտ ապագայում Հայաստանը բանակցային գործընթացը շարունակելու համար քաղաքական կամք կդրսևորի». Մամեդյարով

«Հուսով ենք՝ մոտ ապագայում Հայաստանը բանակցային գործընթացը շարունակելու համար քաղաքական կամք կդրսևորի». Մամեդյարով
1042
Երեքշաբթի, 23 հոկտեմբերի, 2018 թ., 14:20

Ադրբեջանի արտաքին գործերի նախարար Էլմար Մամեդյարովը հարցազրույց է տվել РИА Новости-ին, որում անդրադարձել է Լեռնային Ղարաբաղի հակամարտության կարգավորման բանակցային գործընթացին:

«Ադրբեջանը պատրաստ է կառուցողական բանակցություններին: Բաքուն բազմիցս հայտարարել է արդյունավետ երկխոսության անցկացման անհրաժեշտության մասին: Բարձր մակարդակով հանդիպումը, որը Դուշանբեում ԱՊՀ գագաթնաժողովի ընթացքում տեղի ունեցավ ՀՀ և Ադրբեջանի ղեկավարների միջև, օրինակ է, որ Ադրբեջանը պատրաստ է բովանդակային երկխոսության: Ցավոք, Հայաստանում իշխանափոխությունը որոշակի առումով սառեցրեց գործընթացը: Հուսով ենք՝ մոտ ապագայում Հայաստանը բանակցային գործընթացը շարունակելու համար քաղաքական կամք կդրսևորի»,- ասել է նա՝ պատասխանելով այն հարցին, թե արդյոք նախատեսվում է հանդիպում ՀՀ և Ադրբեջանի առաջնորդների միջև:

Մամեդյարովը հայտնել է նաև ՀԱՊԿ-ին Ադրբեջանի հնարավոր անդամակցության շուրջ ակտիվ քննարկումների մասին:

«Այդ առումով մենք ակտիվ երկխոսություն ենք վարում ՀԱՊԿ անդամ պետությունների հետ, բացառությամբ Հայաստանի, որը շարունակում է Ադրբեջանի դեմ ռազմական ագրեսիան»,- գործակալությունը մեջբերում է նրա խոսքը: