ԼՂ հարցով Բոլթոնի հայտարարությունը Բաքվում

ԱՄՆ նախագահ Դոնալդ Թրամփի՝ ազգային անվտանգության հարցերով խորհրդական Ջոն Բոլթոնն, ով այցով գտնվում է Բաքվում, պաշտոնական անձանց հետ հանդիպման ընթացքում բարձրացրել է Լեռնային Ղարաբաղի հակամարտության կարգավորման հարցը: Բոլթոնը հանդիպել է նաև Ադրբեջանի նախագահ Իլհամ Ալիևին:

«Եկել եմ այստեղ, որպեսզի առավել մանրամասն ծանոթանամ հարցին: ԱՄՆ-ը գիտակցում է, որ Լեռնային Ղարաբաղի հակամարտության կարգավորումը ռազմավարական կարևորություն ունի: ԱՄՆ-ը՝ որպես ԵԱՀԿ Մինսկի խմբի համանախագահող երկիր, կողմ է հակամարտության խաղաղ կարգավորմանը, ինչը կարևոր է ինչպես Ադրբեջանի, այնպես էլ Հայաստանի համար»,- հայտարարել է Բոլթոնը: