Պուտինը, Մերկելը, Մակրոնն ու Էրդողանը քննարկում են Սիրիայում տիրող իրավիճակը

851

Շաբաթ, 27 հոկտեմբերի, 2018 թ., 18:25

«Աշխարհի ուշադրությունը սևեռված է այս հանդիպման վրա: Հուսով եմ՝ բոլորի հույսերը կարդարացվեն»,- բացելով Սիրիայի հարցով քառակողմ գագաթնաժողովը՝ ասել է Թուրքիայի նախագահ Էրդողանը:

Հիշեցնենք՝ նիստն անցկացվում է Ստամբուլում՝ Պուտինի, Մերկելի, Մակրոնի ու Էրդողանի մասնակցությամբ, փոխանցում է РИА Новости-ն և հավելում, որ սա նման ձևաչափով առաջին հանդիպումն է: Գագաթնաժողովը ծրագրված էր դեռևս սեպտեմբերին, բայց կողմերի զբաղվածության պատճառով այն հետաձգվում էր:

Քննարկվելու է, մասնավորապես, Իդլիբում տիրող իրավիճակը:

«ՌԴ-ն իրեն իրավունք է վերապահում օգնելու սիրիացի զինվորականներին Իդլիբում ահաբեկիչներին ոչնչացնելու հարցում, եթե գրոհայինները շարունակեն սադրանքները»,- ավելի ուշ հայտարարել է Պուտինը:

Աղբյուրը` ria.ru