Ուրբաթ, 29 մարտի, 2024 թ.
|
Ստեփանակերտում`   +6 °C

«Վրացի իսլամիստներ, կա՛նգ առեք». հուշարձանագետի կոչը

«Վրացի իսլամիստներ, կա՛նգ առեք». հուշարձանագետի կոչը
719
Չորեքշաբթի, 31 հոկտեմբերի, 2018 թ., 17:40

Հուշարձանագետ Սամվել Կարապետյանը ֆեյսբուքյան իր էջում գրել է. «ՎՐԱՑԻ-ԻՍԼԱՄԻՍՏՆԵ՛Ր, ԿԱՆԳ ԱՌԵՔ կամ ՀԵՐԹԱԿԱՆ՝ «ԷԹՆԻԿ ԵՎ ԿՐՈՆԱԿԱՆ ԹՇՆԱՄԱՆՔԻ ՀՐԱՀՐՄԱՆ ՓՈՐՁ» (նման ահազանգերի պատճառով ՎՀ ԱԱԾ-ն՝ մուտքս Վրաստան արգելել է):

Արդեն օրեր, և հենց այս պահին, ընթանում է Տփղիսամերձ Դիղոմ գյուղի հայոց Սբ. Կիրակի եկեղեցու վրացականացման աշխատանքները, որն ուղեկցվում է ներսում պահպանված հայերեն մակագրություններով որմնանկարների քերումով:

Ահազանգիս կցում եմ Դիղոմ գյուղի Սբ Կիրակի եկեղեցու և նրա որմնանկարների նախկին և ներկա վիճակի լուսանկարները (հին նկարներն իմն են՝ 2007թ., նորերը՝ Հայ առաքելական եկեղեցու Վրաստանի թեմի դիվանինը):