Հինգշաբթի, 15 նոյեմբերի, 2018 թ.
|
Ստեփանակերտում`   +1 °C

ԱԳ փոխնախարարը՝ հակաիրանական պատժամիջոցների և Իրան-Հայաստան երկաթուղու մասին

ԱԳ փոխնախարարը՝ հակաիրանական պատժամիջոցների և Իրան-Հայաստան երկաթուղու մասին
69
Երեքշաբթի, 06 նոյեմբերի, 2018 թ., 10:50

«Իրանի նկատմամբ պատժամիջոցների մասին ԱՄՆ նախագահի Ազգային անվտանգության հարցերով խորհրդական Ջոն Բոլթոնի հայտարարությունը մտահոգություն է առաջացրել Հայաստանում: Եթե ճշգրիտ արձագանք չլինի, կբերի Հայաստանի կղզիացման»,- Աժ-ում դիմելով ՀՀ փոխարտգործնախարար Կարեն Նազարյանին՝ հայտարարեց «Ծառուկյան» խմբակցության պատգամավոր Նաիրա Զոհրաբյանը:

«Իրանի հանդեպ պատժամիջոցների թեման շատ զգայուն է, ու Հայաստանը մշտապես աջակցել է համապարփակ գործողությունների ծրագրի իրականացմանը, որը կնքվել էր Իրանի ու գործընկեր պետությունների միջև: ՀՀ ԱԳՆ առաքելությունն է գործընկեր պետությունների հետ թափանցիկ, անկաշկանդ քննարկումներ իրականացնելը: Բոլթոնի մասին շատ է խոսվել, վերհանվել են տարածաշրջանի զարգացմանը միտված խնդիրներ, լսելի են դարձել մեր մոտեցումները»,- ասել է ԱԳ փոխնախարարը:

ԱԺ փոխնախագահ Միքայել Մելքումյանն էլ հետաքրքրվել է Իրան-Հայաստան երկաթգծի նախագծման աշխատանքներից. «Առաջիկա 10 տարում Իրան-Հայաստան երկաթգծի կառուցման նախագիծը կսկսվի՞, թե՞ ոչ»,- հարցրել է նա:

Նազարյանն ասել է, որ երկաթուղու հարցը դժվար կանխատեսելի է. «Հարցն օրակարգային է, դուրս չի եկել օրակարգից, բայց գտնվում է մասնագետների դաշտում»: