Քարոզարշավն այսօրվանից մեկնարկում է

Նոյեմբերի 26-ից մեկնարկում է դեկտեմբերի 9-ին կայանալիք ԱԺ արտահերթ ընտրությունների քարոզարշավը: Այն կտևի 12 օր ու կավարտվի դեկտեմբերի 7-ին, դեկտեմբերի 8-ը լռության օր է: Ընտրություններին մասնակցում է 11 քաղաքական ուժ՝ 9 կուսակցություն, 2 դաշինք: Նրանք են՝ «Իմ քայլը» և «Մենք» դաշինքները, «Ազգային առաջընթաց», «Բարգավաճ Հայաստան», «Լուսավոր Հայաստան», «Հայ հեղափոխական դաշնակցություն», «Հայաստանի Հանրապետական», «Սասնա ծռեր» համահայկական, «Քաղաքացու որոշում» սոցիալ-դեմոկրատական, Քրիստոնեա-ժողովրդական վերածնունդ, «Օրինաց երկիր» կուսակցությունները: