Շաբաթ, 15 դեկտեմբերի, 2018 թ.
|
Ստեփանակերտում`   0 °C

«Հայաստանը ոչ մեկին ոչ մի խնդրանքով չի դիմել». Նիկոլ Փաշինյանը՝ Ուշակովի հայտարարության մասին

«Հայաստանը ոչ մեկին ոչ մի խնդրանքով չի դիմել». Նիկոլ Փաշինյանը՝ Ուշակովի հայտարարության մասին
78
Չորեքշաբթի, 05 դեկտեմբերի, 2018 թ., 11:10

«Հայաստանը ոչ մեկին ոչ մի խնդրանքով կամ առաջարկով չի դիմել: Ասել ենք՝ ունենք մեր թեկնածուն ՀԱՊԿ-ում ու հետևողականորեն շարունակում ենք բանակցել մեր թեկնածուի շուրջ»,- Երևանի մետրոպոլիտենում քարոզարշավի ժամանակ, լրագրողների հետ զրույցում ասել է Նիկոլ Փաշինյանը: «Գլխավոր քարտուղարի հարցն ամենակարևորը չէ: Ավելի լուրջ հարցեր են քննարկվում ու դրանցից մեկը՝ ՀԱՊԿ էֆեկտիվության ու անդամ երկրների փոխադարձ պարտավորությունների, դրանց կատարման մեխանիզմների հարցն է»:

Հիշեցնենք՝ ՌԴ նախագահի օգնական Յուրի Ուշակովն ասել էր, որ Հավաքական անվտանգության պայմանագրի կազմակերպության (ՀԱՊԿ) երկրների առաջնորդների գագաթնաժողովը, որը նշանակված էր դեկտեմբերի 6-ին, չեղարկվել է՝ հաշվի առնելով ընտրություններին նախապատրաստվող Հայաստանի խնդրանքը: