Հինգշաբթի, 28 մարտի, 2024 թ.
|
Ստեփանակերտում`   +14 °C

Ալիևը կրկին խոսել է նախիջևանյան հատվածում 11 հազար հեկտարի «ազատագրման» մասին

Ալիևը կրկին խոսել է նախիջևանյան հատվածում 11 հազար հեկտարի «ազատագրման» մասին
1722
Երկուշաբթի, 17 դեկտեմբերի, 2018 թ., 16:55

Ադրբեջանի նախագահ Իլհամ Ալիևն այսօր Բաքվում զինծառայողներին բնակարաններ նվիրելու արարողության ժամանակ խոսել է նախիջևանյան հատվածում 11 հազար հեկտարի «ազատագրման» մասին:
«Մեր բանակն ունակ է լուծել իր առջև դրված բոլոր խնդիրները: Կարող եմ ասել, որ հաջող գործողությունների արդյունքում մեր վերահսկողության տակ է անցել նախիջևանյան հատվածում 11 հազար հեկտար տարածք»,- «Интерфакс»-ը մեջբերում է նրա խոսքը:

Նրա խոսքով՝ այդպիսով «Ադրբեջանը կարող է վերահսկել ռազմավարական ճանապարհները»:

Ալիևը նաև հայտարարել է Ադրբեջանի «ռազմական մեծ ներուժի» մասին, որը, ըստ նրա, Լեռնային Ղարաբաղի հակամարտության կարգավորման գլխավոր գործոնն է:

Հիշեցնենք, որ 11 հազար հեկտարի «ազատագրման» մասին տեղեկություններն ադրբեջանական ԶԼՄ-ները տարածել էին հունիսին: Արցախի զինված ուժերը մեկնաբանել էին ադրբեջանական ապատեղեկատվությունները: