Լուկաշենկոն Ստանիսլավ Զասին ՀԱՊԿ գլխավոր քարտուղարի պաշտոնում նշանակելու մասին որոշման նախագիծ է ստորագրել

1137

Ուրբաթ, 21 դեկտեմբերի, 2018 թ., 15:10

Բելառուսի նախագահ Ալեքսանդր Լուկաշենկոն Բելառուսի Անվտանգության խորհրդի քարտուղար Ստանիսլավ Զասին Հավաքական անվտանգության պայմանագրի կազմակերպության գլխավոր քարտուղարի պաշտոնում նշանակելու մասին որոշման նախագիծ է ստորագրել, հաղորդում է «Белта» գործակալությունը:

Գործակալության հաղորդմամբ՝ Զասն արդեն այցելել է Ղրղզստան, Ղազախստան, Տաջիկստան և Ռուսաստան, ու այդ պետություններում հավանություն են տվել նրա թեկնածությանը: Ավելի վաղ Ղրղզստանի նախագահը հայտարարել էր, որ կազմակերպությունը չպետք է առանց գլխավոր քարտուղարի մնա:

Գործակալությունը նշում է, որ Զասը Լուկաշենկոյին տեղեկացրել է այդ հանդիպումների մասին:
«Նախկինում ևս ասել եմ, որ Բելառուսից մի քանի թեկնածու է եղել, սակայն կանգ եմ առել Զասի թեկնածության վրա, որպեսզի ցույց տամ, որ ժամանակն է այդ կազմակերպությունում պաշտոնաթող գեներալների նշանակումից անցում կատարել երիտասարդ և հեռանկարային գեներալների նշանակմանը»,- ասել է Լուկաշենկոն:

Բելառուսական գործակալության տեղեկություններով՝ Զասը կստանձնի ՀԱՊԿ գլխավոր քարտուղարը պաշտոնը 2019թ. սկզբին:

ԱՐՑԱԽ ԼՐԱՏՎԱԿԱՆ

Լուկաշենկոն Ստանիսլավ Զասին ՀԱՊԿ գլխավոր քարտուղարի պաշտոնում նշանակելու մասին որոշման նախագիծ է ստորագրել

Կարդացե՛ք նաև

«Վաշինգթոնյան ներտեսակային կանիբալիզմին հետևելը ավելի հետաքրքիր է, քան մեր նախընտրական շրջիկ կրկեսը». Սուրեն Սահակյան

«Թե՛ հայրենիքը, թե՜ պաշտոնը Գասպարյան Օնիկը տանուլ է տվել». Կարեն Հեքիմյան

«Հայկական պետականության շուրջ օղակը սեղմվում է». Սուրեն Սուրենյանց

Ադրբեջանի ԱԳՆ են կանչվել Նիդերլանդների և Բելգիայի դեսպանները

«Մեր ճակատագրերը փոխկապակցված են». Հասմիկ Հակոբյանի ելույթը՝ Ստամբուլում (տեսանյութ)

«Ոչ ոք իրավունք չունի մեզ դնելու ինքնիշխանության ու խաղաղության միջև ընտրության առաջ»․ Լևոն Զուրաբյան

«Կարծում եմ՝ իր անձի վերաբերյալ կեղծ լուրերը հիմք են հանդիսացել, որ որոշել է խոսել»․ Սեյրան Օհանյան (տեսանյութ)

«Իրանի և ԱՄՆ-ի միջև հակամարտությունում հաղթողներ չեն լինի»․ Լուկաշենկո