Տաջիկստանի նախագահն ստորագրել է Ստանիսլավ Զասի նշանակման մասին փաստաթուղթը

Տաջիկստանի նախագահ Էմոմալի Ռահմոնն աջակցել է ՀԱՊԿ նոր գլխավոր քարտուղարի պաշտոնում Բելառուսի ներկայացուցիչ Ստանիսլավ Զասի թեկնածությանը: Նա ստորագրել է այդ պաշտոնում նրա նշանակման մասին փաստաթուղթը, փոխանցում է РИА Новости-ն՝ հղում անելով այդ երկրի ԱԳՆ ներկայացուցչին:

Զասի թեկնածությանն աջակցելու պատրաստակամության մասին Տաջիկստանի նախագահը հայտնել էր նրա հետ հանդիպման ժամանակ՝ դեկտեմբերի 14-ին,Դուշանբեում:

Երեկ տեղեկացրել էինք, որ Լուկաշենկոն Ստանիսլավ Զասին ՀԱՊԿ գլխավոր քարտուղարի պաշտոնում նշանակելու մասին որոշման նախագիծ է ստորագրել: «Որոշումը պետք է ստորագրվի բոլոր 6 անդամ պետությունների կողմից: Գլխավոր քարտուղար պետք է նշանակվի կոնսեսուսով, 6 պետությունների ղեկավարների կողմից»,- պարզաբանել էր ՀԱՊԿ մամուլի քարտուղար Վլադիմիր Զայնետդինովը: