«Հորդորում եմ, որ Արցախում սկսվի քաղաքական արմատական փոփոխություն». Սեֆիլյան

Այսօրվա ասուլիսում անդրադառնալով Արցախում տեղի ունեցած պաշտոնանկություններին «Սասնա Ծռեր» կուսակցության պատվավոր անդամ Ժիրայր Սեֆիլյանը նշել է, որ այդ փոփոխություններն անհրաժեշտութուն են։ «ՊԲ ղեկավարի հեռացումը կուզեի, որ պատճառը լիներ նախորդ տարիների թերությունները կրելու հետևանք։ Պետք է տեղի ունենա արմատական փոփոխություն, հորդորում եմ, որ Արցախում սկսվի քաղաքական արմատական փոփոխություն»,- ասել է Սեֆիլյանը։

Անդրադառնալով իրենց ապստամբությանն ու ՊՊԾ գնդի գրավմանը, ասել է. «Երբ խոսում ենք ապստամբության մասին, պետք է խոսենք ապստամբության պատճառների մասին։ Եղել են ապստամբելու պատճառներ և այո, քաղաքացին իրավունք ունի ապստամբելու։ Եղել են զոհեր, ինչը շատ ցավալի է, ապստամբության ժամանակ հնարավոր է լինեն զոհեր, երկու ոստիկանների սպանության մեղավորը ռեժիմն է։ Համբերության բաժակը լցվել էր, կախված էր տարածքները հանձնելու հարցը։ Մեր գործողությունները եղել են իրավունքի շրջանակներում։ Գնդապետ Վանոյանի մահը դիպվածի հետևանք է, աղետից խուսափելու հարց էր»,- ասել է կուսակցության համակարգող Վարուժան Ավետիսյանը։