Պուտինը փոփոխություններ է մտցրել ՀԱՊԿ կանոնադրության մեջ

ՌԴ նախագահ Վլադիմիր Պուտինն ընդունել է Հավաքական անվտանգության պայմանագրի կազմակերպության (ՀԱՊԿ) կանոնադրության մեջ և հենց պայմանագրում փոփոխություններ կատարելու շուրջ արձանագրությունների ստորագրման մասին կառավարության առաջարկը, փոխանցում է РИА Новости-ն:

Նախագծով որոշվում են հետաքրքրված պետություններին ՀԱՊԿ «գործընկեր» և «դիտորդ» կարգավիճակների տրամադրման կարգն ու չափանիշները:

Խոսքը, մասնավորապես, 2002թ. հոկտեմբերի 7-ի տվյալներով ՀԱՊԿ կանոնադրության մեջ և 1992թ. մայիսի 15-ի տվյալներով հավաքական անվտանգության մասին պայմանագրում փոփոխություններ կատարելու արձանագրությունների մասին է:

Հրամանագրում ասվում է, որ նպատակահարմար է համարվում իրականացնել արձանագրությունների ստորագրումը ՀԱՊԿ խորհրդի նստաշրջանի ընթացքում:

Մեկ այլ հրամանով՝ կառավարությունը հավանություն է տվել և ստորագրման համար նախագահին ներկայացրել փոփոխություններ, որոնք նախատեսում են, որ ՀԱՊԿ խորհրդի կազմում կարող են ներառվել ոչ միայն ՀԱՊԿ անդամ պետությունների ղեկավարները, այլ նաև կառավարության ղեկավարները: