Ինչպե՞ս է տեղի ունենալու վարչապետի նշանակումը

Ըստ Սահմանադրության, նորընտիր Ազգային ժողովի լիազորությունների ժամկետն սկսվելուց հետո (նիստի մեկնարկից սկսած) Հանրապետության նախագահն անհապաղ վարչապետ է նշանակում խորհրդարանական մեծամասնության ներկայացրած թեկնածուին: Այսինքն, մեծամասնության ներկայացուցիչները գրություն են ուղարկում Արմեն Սարգսյանին, որով ներկայացնում են վարչապետի իրենց թեկնածուին: Եվ ըստ օրենքի, Արմեն Սարգսյանն անհապաղ ստորագրում է վարչապետի պաշտոնակատար Նիկոլ Փաշինյանին վարչապետ նշանակելու հրամանագիրը: