Բյուլբյուլօղլին ԼՂ հակամարտության արագ կարգավորման գործում Ռուսաստանի հետ մեծ հույսեր է կապում
1027 Չորեքշաբթի, 16 հունվարի, 2019 թ., 14:10 Լեռնային Ղարաբաղի հակամարտության կարգավորման գործում Ռուսաստանում Ադրբեջանի դեսպան Փոլադ Բյուլբյուլօղլին մեծ հույսեր է կապում Ռուսաստանի հետ: Բյուլբյուլօղլին ադրբեջանական լրատվամիջոցներից մեկի հետ զրույցում մեկնաբանել է ռուսական կողմի պահանջը՝ կապված Ադրբեջան ՌԴ հայազգի քաղաքացիների մուտքի արգելքի հետ: Ավելի վաղ խնդրին անդրադարձել էր ռուս փորձագետ Վլադիմիր Եվսեևը: Ադրբեջանական լրատվամիջոցը ռուսական կողմի մեկնաբանությունը «կոպիտ միջամտություն» է անվանում՝ Բյուլբյուլօղլիից հետաքրքրվելով, թե արդյոք Ռուսաստանն իսկապես բարձրացրել է այդ հարցը՝ նախքան ՌԴ ԱԳՆ պաշտոնական ներկայացուցչի հայտարարությունը: «Այո, իսկապես Ռուսաստանն այս հարցը բազմիցս է բարձրացրել տարբեր մակարդակներով: Ադրբեջանի դիրքորոշումը պարզ է. այն կապված է Հայաստանի կողմից շարունակվող «օկուպացիայի» հետ: Եվ առաջին հերթին արգելքը բխում է քաղաքացիների անվտանգության ապահովման նկատառումներից»,- ասել է Բյուլբյուլօղլին: Նրա խոսքով՝ գոյություն ունի միջազգային պրակտիկա, երբ երկրները ինչ-ինչ անձանց մերժում են իրենց պետություն այցելությունը՝ նույնիսկ նման մերժումը չպատճառաբանելով: Այն հարցին, թե որն է ստեղծված իրավիճակի լուծումը, Ադրբեջանի դեսպանն ասել է. «Ռուս գործընկերներս հաճախ տալիս են ինձ այդ հարցը: Եվ ես միշտ պատասխանում եմ, որ անհրաժեշտ է արդարացի հիմքով արագ կարգավորել հակամարտությունը: Ռուսաստանը պետք է առավելագույն ջանքերը գործադրի հակամարտության կարգավորման և «օկուպացիոն քաղաքականությանը» վերջ դնելու համար»: |
Գերմանիայում արգելել են ռուսական դրոշները, գեորգիևյան ժապավեններն ու խորհրդային արձանների մոտ երգերը
19522:00Էրդողանը կոչ է արել Երևանին և Բաքվին՝ որքան հնարավոր է շուտ ստորագրել խաղաղության պայմանագիր
18120:18Երթին է միացել ՀՀԿ երիտթևը
13018:24«Գրառում է անում մի մարդ, ով նպատակադրված փորձում է ոչնչացնել հայ ժողովրդի ազգային արժեքները». Տ. Հայրապետյան
13617:24«Եթե Հայաստանը պետական սահման չունի, դուք ո՞ր պետության պաշտոնյա եք». Հակոբ Բադալյան
12017:18«Երկար ժամանակ է՝ մեկ հարցի պատասխան իշխանությունը հստակ չի տալիս». Տիգրան Աբրահամյան
13117:00«ՌԴ նախագահի ելույթի ամենակարևոր դրվագը». Սևակ Հակոբյան (տեսանյութ)
18016:00«Ողջունում ենք Միրզոյան-Բայրամով հանդիպումը»․ Զախարովա
11214:40