«Իրանի մասին պետք է խոսել խիստ հավասարակշռված». Զոհրապ Եգանյան

Ֆեյսբուքյան օգտատեր Զոհրապ Եգանյանը գրել է. «Իրանը Հայաստանի բարեկամ երկիրն է, այստեղ իշխանության են մարդիկ, ովքեր ջանք չեն խնայում, որպեսզի պահպանվի հայկական նյութական և ոչ նյութական ժառանգությունը, հայկական բազմահազարանոց համայնքը այստեղ չունի ոչ մի խնդիր։
Իրանի մասին պետք է խոսեն մասնագետներ, Իրանի մասին պետք է խոսել խիստ հավասարակշռված, առհասարակ՝ պետք է մտածել ամեն անգամ,երբ խոսում ես որպես իշխանության ներկայացուցիչ»։

Տեղեկացնենք, որ այսօր ԱԺ արտաքին հարաբերությունների մշտական հանձնաժողովի նախագահի ընտրության հարցի քննարկմանը «Իմ քայլը» խմբակցության անդամ Հայկ Կոնջորյանը՝ խոսելով ՀՀ արտաքին քաղաքականության մասին, մասնավորապես ասել է. «Տեսեք, եթե դիտարկենք մեր աշխարհաքաղաքական դիրքավորումը, դա ևս կարող է շատ լավ աշխատել, մենք շրջապատված ենք ավտորիտար Թուրքիայով, ավտորիտար բնույթի Իրանով, ավտորիտար Ադրբեջանով, միայն մեր անմիջական հարևաններից Վրաստանն է, որ ժողովրդավարական ճանապարհով է գնում, և այդ շուրջ 170-միլիոնանոց երկրներով շրջապատված Հայաստանը կարող է իր առաջանցիկ զարգացումը դարձնել ժողովրդավարությունը, միջազգային հանրության կողմից ընկալվել որպես տարածաշրջանի առաջատար ժողովրդավար երկիր»: