«1908-ին Երևանում կայացած Կոմիտասի համերգի բացառիկ ազդագիրը». Ռուբեն Շուխյան

494

Ուրբաթ, 25 հունվարի, 2019 թ., 03:05

Պատմաբան Ռուբեն Շուխյանը ֆեյսբուքյան իր էջում գրել է. «1908-ին Երևանում կայացած Կոմիտասի համերգի բացառիկ ազդագիրը. Կոմիտասն իր ղեկավարած երգչախմբով համերգ տվեց Երևանում 1908-ի փետրվարի 22-ին Ջանփոլադյանի (ընդունված էր ասել նաև Կլուբի) թատրոնում, որը խորհրդային տարիներին հայտնի էր որպես Սպայի տուն (քանդվել է 2005-ին): Ինչպես վկայել են ժամանակակիցները, Կոմիտասի երևանյան համերգին դահլիճը լեփ-լեցուն է եղել: Այստեղ է հավաքված եղել քաղաքի հասարակության ողջ սերուցքը՝ Երևանի քաղաքագլուխ Հովհաննես Մելիք-Աղամալյանի և քաղաքային դումայի պատգամավորների գլխավորությամբ: Համերգին Էջմիածնի Գևորգյան ճեմարանի 80 հոգանոց քառաձայն երգչախումբը կատարել է մեծ երգահանի կողմից մշակված ժողովրդական երգեր: Լուսանկարը՝ Արմեն Երիցյանի, ՀԲԸՄ-ում կազմակերպված ցուցադրությունից»: