«Ռուսաստանը ողջունում է Երևանի և Բաքվի միջև քաղաքական շփումները». Զախարովա

Ռուսաստանը ողջունում է Հայաստանի և Ադրբեջանի ներկայացուցիչիների միջև շփումները՝ դրանք համարելով Լեռնային Ղարաբաղի հակամարտության կարգավորման ճիշտ ուղի: Այս մասին այսօր ավանդական ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան:

«Ողջունում ենք Երևանի և Բաքվի միջև այն քաղաքական շփումները, որոնք կայացել են վերջին շրջանում տարբեր մակարդակներով: Հետևում ենք այն կառուցողական գնահատականներին, որոնք այդ առումով հնչեցնում են Երևանն ու Բաքուն, և դա առաջընթացի միակ ճիշտ ուղին է»,- ասել է Զախարովան: