«Գերմանիայում «հայկական մաֆիան» ակտիվացել է Փաշինյանի այցի ֆոնին». Tagesspiegel

Գերմանական Tagesspiegel պարբերականը հոդված է հրապարկել Գերմանիայում «հայկական մաֆիայի» մասին, փոխանցում է Rusarminfo-ն:

Հոդվածում ասվում է, որ Գերմանիայի դաշնային կառավարությունը «Ձախական» կուսակցության խնդրանքով հաստատել է երկրում կազմակերպված հանցավոր խմբավորումների գործունեությունը, որոնց հիմք են կազել էթնիկ հայերը:

«Քրեական ոստիկանության դաշնային ծառայությունն (BKA) ու երկրամասերի քրեական ոստիկանությունը (LKA) հետաքննություն են անցկացնում 42 մարդու նկատմամբ: Խոսքը, մասնավորապես, Տյուրինգիյա շրջանի մասին է, որը հայկական մաֆիայի գտնվելու գլխավոր վայրն է»,- գրում է պարբերականը:

Նշվում է, որ հետաքննությունն ընթանում է «Օրենքով գողերի դեմ պայքար» անվան ներքո:

Գերմանական պարբերականը նշում է նաև, որ «հայկական մաֆիան» ակտիվացել է Գերմանիա ՀՀ վարչապետ Նիկոլ Փաշինյանի պաշտոնական այցի ֆոնին:

Անցած տարի նոյեմբերին Der Spiegel-ը «Գերմանիայի ոստիկանությունը լրջորեն մտահոգված է հայկական մաֆիայի ակտիվությամբ» վերնագրով հոդված էր հրապարակել:

Հիշեցնենք, որ վարչապետը երկօրյա պաշտոնական այցով մեկնել էր Գերմանիայի Դաշնային Հանրապետություն: