«Մենք ենք մեր լեռների» հեղինակ քանդակագործ Սարգիս Բաղդասարյանը՝ հուշակոթողի կողքին

1426

Երկուշաբթի, 04 փետրվարի, 2019 թ., 02:10

«Հին լուսանկարներ» ֆեյսբուքյան խումբը հրապարակել է մի լուսանկար, որտեղ Արցախի խորհրդանիշը դարձած «Մենք ենք մեր լեռները» հուշակոթողի հեղինակ քանդակագործ Սարգիս Բաղդասարյանն է՝ հուշակոթողի կողքին:
Արձանը շատերին հայտնի է որպես «Պապիկ-տատիկ», (արևմտահայերեն՝ Մամիկ և Պապիկ)։ Տեղադրվել է 1967 թվականի նոյեմբերի 1-ին, Ստեփանակերտի մոտակայքում, բլրի գագաթին:

Հուշակոթողի ճարտարապետը Յուրի Հակոբյանն է:

Քանդակը պատրաստված է կարմիր տուֆից։ Այն խորհրդանշում է արցախյան հողի և ժողովրդի արմատների միջև արյունակցական կապը։ Հուշարձանն իրենից ներկայացնում է ավանդական տարազով տարեց ղարաբաղցի ամուսինների՝ ուս-ուսի, հպարտ ու անհողդողդ կեցվածքով ու սևեռուն հայացքով։ Կոթողը պատվանդան չունի։ Կարծես լեռնաբլուրը ճեղքվել է, և նրանք այդ ճեղքից բարձրացել, կանգնել են՝ ոտքերը ամուր դրած հայերի հողի մեջ։