Պուտինն ու Լուկաշենկոն 3 օր բանակցել են, սակայն գլխավոր հարցը չեն քննարկել. ռուսական մամուլ
849 Շաբաթ, 16 փետրվարի, 2019 թ., 17:05 Ռուսաստանի և Բելառուսի նախագահներ Վլադիմիր Պուտինն ու Ալեքսանդր Լուկաշենկոն ավարտել են բանակցությունները, որոնք մեկնարկել էին Սոչիում փետրվարի 13-ին, գրում է ТАСС-ը: 3 օր բանակցությունների ընթացքում երկու երկրների առաջնորդները երկկողմ համագործակցության տարբեր հարցեր են քննարկել՝ հասցնելով դահուկ քշել և հոկեյ խաղալ: Գործակալությունը նշում է, որ եռօրյա բանակցությունների ընթացքում հարկային մանևրի հարցն այդպես էլ չի քննարկվել՝ չնայած նրան, որ այդ հարցով Մինսկի դժգոհությունները դեկտեմբերի 25-ին և 29-ին կայացած նախատոնական հանդիպումների պատճառ դարձան: Միևնույն ժամանակ, Լուկաշենկոն նշել է, որ քննարկվել են հումանիտար և սոցիալական ոլորտի թեմաները, երկկողմ հարաբերությունների զարգացման հեռանկարները, այդ թվում նաև պետությունների ղեկավարների փոփոխությունից հետո: Լուկաշենկոն խոստովանել էր, որ իրեն և Ռուսաստանի նախագահ Վլադիմիր Պուտինին մտահոգում է միութենական պետության ճակատագիրը պաշտոններից իրենց հեռանալուց հետո: «Մենք բացահայտ ասել ենք, որ մենք հավերժ չենք, որ ինչ-որ պահի հեռանալու ենք»,- ասել էր Լուկաշենկոն: Միևնույն ժամանակ, գործակալության խոսքով, Վլադիմիր Պուտինը չէր մոռացել մեկ այլ կարևոր՝ Սիրիայի հարցով եռակողմ հանդիպման մասին: «Փետրվարի 14-ին Պուտինը հատուկ ուշադրություն հատկացրեց միջազգային մեկ այլ իրադարձության. այդ օրը Սոչի ժամանեցին Իրանի և Թուրքիայի նախագահները՝ Սիրիայի ճգնաժամի քննարկման համար: ՌԴ նախագահը չմոռացավ նաև իր բելառուսցի հյուրի մասին, ում երեկոյան հրավիրեց միանալու Ռեջեփ Էրդողանի և Հասան Ռոհանիի հետ ոչ ֆորմալ հանդիպմանը»,- նշում է գործակալությունը: Կրեմլի ներկայացուցիչը հայտնել է, որ Պուտինն ու Լուկաշենկոն այդ օրը շարունակել են բանակցությունները, սակայն դրանք անցկացվել են փակ դռների հետևում: «Բացի հարկային մանևրից բազմաթիվ խնդիրներ ունենք, որոնք մեզանից բացի ոչ ոք չի կարող լուծել, և մենք դա կանենք: Միայն մանևրով չեն ապրում մարդիկ»,- լրագրողներին ժպիտով ասել է Լուկաշենկոն: Փետրվարի 15-ին կողմերն ավարտել են բանակցությունները և նշել կրթության, գիտության և սպորտի ոլորտում համագործակցության կարևորությունը: Լուկաշենկոն հատուկ ուշադրություն է դարձրել սպորտի հարցերին: Եռօրյա բանակցությունների ավարտին երկու երկրների նախագահները հոկեյ են խաղացել: |
«Թուրքական ներկայությունն աճեց». Տիգրան Աբրահամյան
10203:06«Նիկոլ, դու ես ասել՝ Արցախը գերտերություն է». Էդուարդ Շարմազանով
121Երեկ, 23:36«Օտարերկրյա գործակալների մասին Վրաստանի օրենքը ներշնչված է Կրեմլից». Մեթյու Միլլեր
279Երեկ, 23:00«Թույլ չտալ, որ կրկնվի Ուկրաինայի ճակատագիրը». Վրաստանի վարչապետի խոսքերը զայրացրել են ուկրաինական կողմին
270Երեկ, 20:48«Սպասում ենք Սկանդինավյան խաղաղապահ զորախմբին». Էդմոն Մարուքյան
159Երեկ, 19:54Էրդողանը հայտարարել է, թե Իսրայելը գերազանցել է Հիտլերին
107Երեկ, 19:30«Ցանկացած երկիր, որը ցանկանում է ինքնիշխան դառնալ, պարտավոր է ընդունել այդ օրենքը»․ Վոլոդին
239Երեկ, 19:00ԵԽԽՎ-ն ոչ լեգիտիմ է ճանաչել Պուտինի իշխանությունը
359Երեկ, 18:00