Երկուշաբթի, 27 մայիսի, 2019 թ.
|
Ստեփանակերտում`   +12 °C

Մանվել Գրիգորյանի խափանման միջոցի հարցով դատարանը հեռացել է խորհրդակցական սենյակ

Մանվել Գրիգորյանի խափանման միջոցի հարցով դատարանը հեռացել է խորհրդակցական սենյակ
125
Չորեքշաբթի, 27 փետրվարի, 2019 թ., 15:50

Երևանի ընդհանուր իրավասության դատարանի Շենգավիթի նստավայրում քիչ առաջ ավարտվեց Մանվել Գրիգորյանի խափանման միջոցի հարցով դատական նիստը. «Միջնորդության քննությունն ավարտվեց, դատարանը հեռացավ խորհրդակցական սենյակ՝ որոշում կայացնելու: Ընթացքում պաշտպանական կողմը մի քանի միջնորդություններ է ներկայացրել, սակայն դրանք մերժվել են: Տեղեկություն չունեմ՝ երբ կհրապարակվի որոշումը, ենթադրում եմ՝ մոտ ժամանակները»,- լրագրողների հետ զրույցում ասաց փաստաբան Արսեն Մկրտչյանը՝ հրաժարվելով ներկայացնել միջնորդությունների բնույթը:

Հիշեցնենք՝ դատարանը քննում էր նախկին պատգամավոր, գեներալ Մանվել Գրիգորյանի խափանման միջոցը գրավով փոխարինելու վերաբերյալ միջնորդության քննությունը։

Պաշտպանական կողմը միջնորդել է 20 մլն դրամ գրավի դիմաց կալանքից ազատ արձակել Գրիգորյանին: