«2008թ. մարտի 1-ի միակ թիրախը ՀՀ քաղաքացին էր». Նիկոլ Փաշինյան
938 Ուրբաթ, 01 մարտի, 2019 թ., 11:25 ՀՀ վարչապետ Նիկոլ Փաշինյանը քիչ առաջ ուղերձով հանդես եկավ Մարտի 1-ի դեպքերի կապակցությամբ: «Ուղիղ 11 տարի առաջ այս օրը Երևանի կենտրոնում արյուն հեղվեց. օրվա իշխանությունն ապօրինի ուժ կիրառեց խաղաղ ցուցարարների նկատմամբ, ինչի հետևանքով ՀՀ 8 քաղաքացիներ սպանվեցին, ևս 2 հոգի մահացավ ստացած վերքերից: Զոհերից 5-ը ստացել են հրազենային վնասվածներ, 3 հոգի՝ «Չերյոմուխա» 7-ի կիրառումից, 1 հոգի բեկորային վնասվածքից, 1-ը՝ բութ գործիքի հարվածից: Եվ հիմա հարկ եմ համարում արձանագրել, որ 2008-ի իշխող վերնախավի գործողությունների միակ թիրախը ՀՀ քաղաքացին էր, նրա իրավունքը, արժանապատվությունն ու ազատությունը»,- հայտարարեց ՀՀ վարչապետ Նիկոլ Փաշինյանը՝ շարունակելով. «2008թ. մարտի 1-ը, սակայն, այդ օրն առավոտյան ծագած երևույթ չէր, այլ երկար տարիներ ՀՀ-ին կեղեքող ապօրինությունների, կեղծիքների, քաղաքական սպանությունների, հետապնդումների ամենաթողության խտացված ժայթքում: Այսօր՝ 2019թ. մարտի 1-ին ուզում եմ արձանագրել, որ վերադարձ անցյալի բարքերին ու հարաբերություններին չի կարող լինել: ՀՀ-ն չի վերադառնալու կոռուպցիայի, քաղաքական հետապնդումների, բռնությունների, ամենաթողության, լկտիության ժամանակներին: Որպես ՀՀ ղեկավար՝ պետության անունից ներողություն եմ խնդրում բոլոր զոհերից: ՀՀ-ն իրավունքի ու արդարության, ճշմարտության ու արժեքների երկիր դարձնելն է մեր համատեղ առաքելությունը: Սա չի նշանակում՝ այսօրվա ՀՀ-ում չկան ապօրինությունների, կաշառքի ու բռնության դեպքեր, բայց յուրաքանչյուր քաղաքացի պետք է 100 տոկոսով վստահ լինի, որ վարչապետն ու կառավարությունը որևէ ապօրինության ոչ թե հովանավորն է, այլ՝ հակառակորդը»,- ասաց նա: Փաշինյանը հիշեցրեց ժամը 18:30-ին Ազատության հրապարակից դեպի Մյասնիկյանի արձան երթի մասին: |
Քաղաքացիները ստուգում են մեքենաները, որ բացահայտեն ականազերծող սակրավորներին (տեսանյութ)
10018:54«Ոտքի՛, քանի չի հանձնել» գրությամբ ցուցանակ՝ Երևանի մուտքի մոտ
8918:30Ապրիլի 25-ի դրությամբ հայ-ադրբեջանական սահմանին տեղադրվել է թվով 20 սահմանային սյուն․ ՀՀ կառավարություն
11218:18«Որպեսզի հեղափոխությունը լինի թավշյա, պետք է ոստիկանությունը դառնա թավշյա». Տիգրան Քոչարյան
11717:24Մակրոնն Ուրսուլա ֆոն դեր Լայենին փոխարինող է փնտրում․ #Bloomberg
32417:00Ժապարովն ու Ալիևը այցելել են օկուպացված Արցախ
15816:00«Ուկրաինան շուտով կդադարի գոյություն ունենալ, եթե․․․»․ Լուկաշենկո
22615:48«Սահմանը ձգվելու է Բաղանիսի այժմյան աղբավայրի մեջտեղով»․ Ոսկան Սարգսյան
11115:30