Բրիտանական The Guardian-ի անդրադարձը Ադրբեջանի տարածքում հայկական խաչքարերի ոչնչացմանը

572

Ուրբաթ, 01 մարտի, 2019 թ., 22:05

Բրիտանական The Guardian պարբերականը հոդված է հրապարակել Ադրբեջանում հայկական մշակութային ժառանգության ոչնչացման մասին:

«Ադրբեջանի կառավարությունը վերջին 30 տարվա ընթացքում պարբերաբար ոչնչացրել է իր երկրի տարածքում հայերի ժառանգությունը: Մշակութային և կրոնական հուշարձանների ոչնչացումը գերազանցում է Փալմիրայում ԴԱԻՇ-ի կողմից անտիկ հուշարձանների ոչնչացմանը»,- գրում է պարբերականը՝ հղում անելով ամերիկյան Hyperallergic ամսագրին:

Նշվում է նաև, որ մշակութային ժառանգության ոչնչացման ամենասարսափելի օրինակն է գերեզմանոցների ոչնչացումը: Հոդվածում ասվում է նաև, որ Ադրբեջանի իշխանությունները միջազգային դիտորդներին թույլ չեն տալիս մուտք գործել գերեզմանոցների տարածք:

Ինչպես նաև պարբերականը տեսանյութ է հրապարակել՝ «Արաքսի նոր արցունքները» վերնագրով: