Երեքշաբթի, 16 սեպտեմբերի, 2025 թ.
|
Ստեփանակերտում`   +13 °C

«Մտահոգիչ է նաև ԼՂ-ին շրջապատող տարածքների հարցը». Էդմոն Մարուքյան

«Մտահոգիչ է նաև ԼՂ-ին շրջապատող տարածքների հարցը». Էդմոն Մարուքյան
1098
Երկուշաբթի, 11 մարտի, 2019 թ., 12:30

ԱԺ «Լուսավոր Հայաստան» խմբակցության ղեկավար Էդմոն Մարուքյանը լրագրողների հետ զրույցում անդրադառնալով ԵԱՀԿ ՄԽ վերջին հայտարարությանը, առանձնացրեց ամենամտահոգիչ ձևակերպումը. «Ասվում է՝ ԼՂ իրավական կարգավիճակի ապագա որոշակիացում իրավաբանորեն պարտադիր կամքի արտահայտման միջոցով, որը հակասում է հայկական կողմի մոտեցմանը: Արցախի քաղաքացիները 1991-ի հանրաքվեով ինքնորոշվել են ու դա պարտադիր իրավական ուժ ունի և հիմա կրկին պնդել, որ նման հանրաքվե անցկացվի, նշանակում է՝ հաշվի չառնել այդ հանրաքվեն»:

Ինչ վերաբերում է ընդհանուր հայտարարությանը, Մարուքյանի խոսքով՝ բանակցային գործընթացին Արցախի ներկայացուցիչների մասնակցության հետ կապված տեղ չեն թողել. «Մտահոգիչ է նաև ԼՂ-ին շրջապատող տարածքների հարցը և առաջին անգամը չէ, որ այս խոսակցությունը գնում է: Ըստ էության, համանախագահները փորձել են կողմերին հիշեցնել՝ ինչի շուրջ են մինչև հիմա բանակցել: Բացի այդ, որևէ կերպ չի դատապարտվում այն հայատյացությունը, որ առկա է Ադրբեջանում՝ մանկապարտեզից մինչև ծերանոց... Անկախ ամեն ինչից՝ մենք պետք է պահենք մեր մոտեցումները»: