«Մեզ անհրաժեշտ է աշխատել, որպեսզի բացառվեն լեզվակռիվներն այդ փաթեթի շուրջ»․ Զոհրաբ Մնացականյան
756 Չորեքշաբթի, 13 մարտի, 2019 թ., 12:40 Արցախյան հիմնախնդրի կարգավորման առնչությամբ արդյոք Հայաստանի դիրքորոշումն ա՞յն է, որ Մադրիդյան սկզբունքները պետք է վերանայվեն, իսկ եթե վերանայվեն, արդյոք խարխուլ հիմքերի վրա գտնվող ներկայիս բանակցային գործընթացը չի՞ գնա փակուղի․ ԵԱՀԿ գործող նախագահ Միրոսլավ Լայչակի համատեղ մամուլի ասուլիսի ընթացքում, այս հարցին ՀՀ ԱԳ նախարար Զոհրաբ Մնացականյանը պատասխանեց․ «Վարչապետն իր ելույթում անդրադարձել է երեք սկզբունքների և վեց տարրերի։ Ես կարծում եմ, որ նա բավականին պարզ է եղել իր հայտարարության մեջ, որ մենք նպատակ չպետք է ունենանք լեզվակռվի մեջ մտնելու այս հարցի շուրջ, այլ՝ հստակեցնելու կողմերի մոտեցումներն ու մեկնաբանությունները ընկալումների առումով։ Վարչապետի հայտարարությունը ընկալել որպես վերանայում, կարծում եմ այդպես չէ, քանի որ նա ոչ մի կերպ նման ազդակ չի տվել, այլ ավելի կարևոր ազդակ է տվել․ այն է, որ մեզ անհրաժեշտ է աշխատել, որպեսզի բացառվեն այնպիսի մեկնաբանություններն ու մոտեցումներն այս հարցի ուղղությամբ, որոնք միակողմանի են դարձնում այդ փաթեթը և խնդիր են առաջացանում ընկալումների առումով։ Խնդիրը վերաբերում է ընկալումներին և թե ինչպես են դա տեսնում կողմերը և որքանով են կողմ նրանց ընկալումներն այս փաթեթին»։ Զ․ Մնացականյանը հույս է հայտնել, որ կկարողանան բացառել տարաձայնություններն ու լեզվակռիվներն այդ փաթեթի շուրջ։ Նա նշել է, որ Հայաստանը պատրաստակամ է համագործակցել ԵԱՀԿ սլովակյան նախագահության հետ բոլոր երեք հարթություններում՝ երկխոսությունը խթանելու ուղղությամբ: ԵԱՀԿ գործող նախագահ, Սլովակիայի արտաքին գործերի նախարար Միրոսլավ Լայչակն իր հերթին հայտարարել է. «Մենք ունենք գործընթաց, որն անցկացվում է արդեն գործող ձևաչափով և որն արդեն իսկ որոշակի արդյունքների հանգեցրել է: Իհարկե, Հայաստանի կառավարությունն է, որ պետք է որոշի, թե ինչպես է աշխատելու, բայց բանակցային ձևաչափի որևէ փոփոխություն պետք է ընդունվի բոլոր կողմերի համար: Ես կարծում եմ՝ մենք բավարար ժամանակ հատկացրել ենք այս խնդիրների քննարկմանը, և վստահ եմ, որ Հայաստանի կառավարությունը ճիշտ բանաձև ունի գոյություն ունեցող ձևաչափում բանակցությունների շարունակման համար»: |
«Այս իշխանությունը կհրաժարվի, եթե մնա, բայց չի հասցնի մնալ». Բագրատյան
6513:00«Կցանկանայի Ալեն Սիմոնյանին հարցնել՝ ո՞ւմ անունից է նման սյուժեներ ներկայացնում»․ Մատվիենկո
12412:48Էրդողանը 1915-ի պատմական իրողությունները ժխտող ուղերձ է հղել
8912:18Մակրոնի գրառումը՝ Հայոց ցեղասպանության 109-րդ տարելիցի կապակցությամբ
15011:30«Հեռախոսազրույցում հայրս ասել է արտահայտություն, որը շատ է մտահոգել մեզ»․ Ռուբեն Վարդանյանի որդին՝ #CNN-ին
15511:06«ՀՀ «վարչապետի» խայտառակ ուղերձը՝ ամբողջովին պրոթուրքական»․ Մհեր Աբրահամյան
11410:36«ՀԱՊԿ-ն ամբողջ ծավալով պահպանում է ՀՀ-ի նկատմամբ պարտավորությունները»․ ՀԱՊԿ գլխավոր քարտուղար
15709:30Սա դեռ թատրոնի առաջին արարն է․ «Հրապարակ»
12909:06