«Այս քայլով դուք ավելի շատ եք ավելացնում ատելությունը ձեր տերերի հանդեպ»․ Հովհաննես Գալստյանը՝ սերժառոբական լրատվամիջոցներին

Ազատամարտիկ Հովհաննես Գալստյանը ֆեյսբուքյան իր էջում գրել է. «Սերժառոբական մի քանի լրատվամիջոց և իրենց լրագրող երևակայող մի քանի ստահակ վերցրել են վարչապետի տիկնոջ՝ Աննա Հակոբյանի ելույթը, նրանից առանձնացրել են իրենց հարմար մի փոքրիկ հատված, տեղադրել են իրենց թերթոններում և ի լուր աշխարհի աղմուկ են բարձրացրել, թե տեսե՛ք-տեսե՛ք, որ Աննա Հակոբյանն ասում է, որ մեր զոհերը ոչինչի համար էին: Հետո գնում են զոհվածների հարազատների մոտ, ներկայացնում ելույթից դուրս գրած հատվածը, խաղալով մարդկանց ամենանուրբ լարերի հետ, նրանց խոսքերը տեղադրում նույն թերթոններում և իրենց ՖԲ էջերում: Գտա ամբողջ ելույթի տեքստը: Կարդալուց հետո որոշեցի ևս մի անգամ էլ կարդալ և փորձեցի գտնել այն, ինչ նրանք են փորձում մեզ ներկայացնել, ԲԱՅՑ ԱՅՆ ՉԿԱՐ: Որպես պատերազմով անցած և մեծ կորոստներ կրած մարդ, ով պատերազմում կորցրել է լավագույն ընկերների և հարազատ եղբորը, ուզում եմ դիմել նման ստորություն անող լրագրող կոչվածներին և կայքերին, որ չփորձեն նման ստոր մեթոդներով էժան հեղինակություն ձեռք բերել: Ոչ հարգելի լրագրողներ, իհարկե, դեմ եմ ձեր կատարածի համար ձեր ծնողներին մեղադրելուն, բայց կմեղադրեմ քծիպության մեջ, որ ժամանակին կարող էին ընդամենը 5 ռուբլով դադարեցնել ձեր պիղծ գոյությունը, բայց դա չարեցին: Այս քայլերով դուք ավելի շատ եք ավելացնում ատելությունը ձեր և ձեր տերերի հանդեպ: Մի փորձեք խաղալ մարդկանց ամենանուրբ լարերի հետ»։