Լուկաշենկոն հիշեցրել է Լեռնային Ղարաբաղի, Մերձդնեստրի և Ուկրաինայի խնդիրների մասին

Բելառուսի նախագահ Ալեքսանդր Լուկաշենկոն հայտարարել է, որ ԵԱՀԿ-ն չպետք է աչք փակի եվրոպական տարածաշրջանում տեղի ունեցող հակամարտությունների վրա: Նա կազմակերպության ղեկավարներին կոչ է արել հանդիպել՝ անվտանգության ոլորտում առկա խնդիրները քննարկելու համար: Այս մասին հաղորդում է РИА Новости-ն:

«Շատ խնդիրներ են առաջացել, որոնք պետք է լուծվեն՝ Լեռնային Ղարաբաղ, Մերձդնեստր… Ավելացավ Ուկրաինան, և սա արդեն լուրջ հակամարտություն է, շատերն այն պատերազմ են անվանում: Ես ԵԱՀԿ-ին շատ եմ քննադատում այս հարցերի կարգավորման դանդաղ ընթացքի համար, քանի որ ԵԱՀԿ-ն առաջին հերթին պետք է ապահովի եվրոպական մայրցամաքի անվտանգությունը»,- հայտարարել է Լուկաշենկոն: