«Հերոսը չի սողում. մնացածը շոու է». Նազիկ Ամիրյան

«Հերոսը չի սողում»,- Մանվել Գրիգորյանի գործով նախնական դատական նիստի ժամանակ խոսելով ամուսնու գործի մասին՝ ասել է Նազիկ Ամիրյանը: «Շոու են սարքել, իսկ ապացուցելը հետո կերևա դատարանում: Զենք-զինամթերքը բոլորն օրինական են»,- անդրադառնալով մեղադրանքին՝ շարունակել է Գրիգորյանի կինը:

Հիշեցնենք, որ Մանվել Գրիգորյանին պատկանող տարածքներում Ազգային անվտանգության ծառայությունը հայտնաբերել էր «Զինվորի բաժին» նշագրումով սնունդ, նաև 2016 թվականի ապրիլյան քառօրյա պատերազմի օրերին առաջնագիծ ուղարկվելիք հիգիենիկ պարագաներով, դեղորայքով, զինվորական հանդերձանքով արկղեր, որոնցից շատերում դեռ մնացել էին զինվորներին հասցեագրված դպրոցականների նամակները։

Մանվել Գրիգորյանը կալանավորված է, իսկ Նազիկ Ամիրյանի նկատմամբ խափանման միջոց է ընտրվել ստորագրությունը չհեռանալու մասին։