«Պաշտպանները չբացատրեցին՝ քնած Ռ. Քոչարյանի կողքից ինչո՞ւ էր բացակայում նրա անվտանգության պետը». Ա. Քոչարյան

Այսօր տեղի է ունենալու ՀՀ երկրորդ նախագահ Ռոբերտ Քոչարյանի և մյուս պաշտոնյաների գործով առաջին դատական նիստը: Քննարկվելու է խափանման միջոցի հարցը։ «Իմ քայլը» խմբակցության պատգամավոր, պաշտպանության, անվտանգության հարցերի խորհրդարանական հանձնաժողովի նախագահ Անդրանիկ Քոչարյանը լրագրողների հետ զրույցում հայտարարեց. «Ոչ մեկը կասկած չունենա, որ Մարտի 1-ի դեպքերի հետ կապված, Չերյոմուխայի կրակոցների հարցում կունենանք առարկայական բացահայտում... Արդեն բացահայտվել է այն մեխանիզմը, որով իրականացվել են անօրինական գործողություններ՝ առավոտից սկսած: Երբ փաստաբանները հասկացան, որ առավոտյան գործողությունները եղել են ապօրինի, միանգամից առաջ տարան այն թեզը, որ Ռոբերտ Քոչարյանը մինչև 08:30 քնած է եղել: Բայց չբացատրեցին՝ քնած Ռ. Քոչարյանի կողքից ինչո՞ւ էր բացակայում նրա անվտանգության պետ Գրիշա Սարկիսովը, ով գնացել էր ղեկավարելու առավոտյան գործողությունները, որի արդյունքում իրեն թույլ տվեց Առաջին նախագահի թևերը ոլորելով մեկուսացնել պրոցեսից»,- ասաց նա: