Փաշինյանը հայտնել է հեղափոխության գինը. РБК
1024 Երկուշաբթի, 13 մայիսի, 2019 թ., 12:55 Հայաստանի վարչապետը հավաստիացրել է, որ որևէ մեկի առաջ ստվերային պարտավորություններ չունի, քանի որ հեղափոխության համար գումարները նա ստացել է հասարակ մարդկանցից: Փաշինյանի խոսքով՝ առանց սոցիալական ցանցերի, հեղափոխությունն ընդհանրապես անհնար կլիներ, հայտնում է РБК-ն: Հայաստանում 2018թ. գարնանը տեղի ունեցած հեղափոխությունը «ռոմանտիզմի հաղթանակն էր պրագմատիզմի դեմ», ասել է վարչապետ Նիկոլ Փաշինյանը՝ РБК հեռուստաընկերությանը տված հարցազրույցում: Պատասխանելով թղթակցի դիտարկմանը, թե ցանկացած հեղափոխություն ունի իր ֆինանսավորողին, Նիկոլ Փաշինյանը պատասխանել է. «Մենք մեր հեղափոխության համար 200.000 դոլար ենք ծախսել: Որտեղի՞ց այդ գումարը: Մենք մարդկանցից ենք խնդրել այն: Մենք էլեկտրոնային դրամապանակ ունեինք, ու ամբողջ աշխարհի հայերը, իմիջիայլոց, ամենաշատը՝ Ռուսաստանից, մեզ գումար են տվել: Մենք ծախսել ենք այդ գումարը, և հեղափոխության ժամանակ ամեն շաբաթ հրապարակել ենք, թե որքան ենք ծախսել ու ինչի համար»,- ասել է Փաշինյանը: «Ահա թե ինչու իմ կառավարությունը և ես ստվերային պարտավորություն չունենք որևէ անհատի կամ կազմակերպության նկատմամբ»: Փաշինյանի մեկնաբանմամբ՝ հեղափոխությունից հետո Հայաստանում իրավիճակն այնպես է փոխվել, որ այսօր չկա որևէ մենաշնորհ: Սիրո հեղափոխության հաղթանակի կարևորագույն նախապայմաններից մեկը Փաշինյանը համարում է սոցիալական ցանցերի ի հայտ գալը: «Երբ ես 2011-ին դուրս եկա բանտից, տեսա, որ կա YouTube, կա Facebook, կա Twitter: Եվ ես հասկացա, որ ընդդիմադիր գործչի համար այդ հաղորդակցությունից օգտվելու հնարավորություն կա… Երբ ես պատգամավոր դարձա, Facebook-ում ու YouTube-ում սկսեցի հարապարակել ելույթներս: 2016-ին բոլոր ելույթներիս դիտումները հասան 10-15 միլիոնի: Աշխարհում 10 մլն հայ է ապրում: Սա նշանակում է, որ տեսականորեն կարող ենք ասել, որ ամեն հայ առնվազն մեկ անգամ դիտել է իմ ելույթը»,- հավելել է Փաշինյանը: |
Ֆրանսիական բանակը միջոցներ չունի՝ Ռուսաստանի հետ պատերազմելու համար․ #LeFigaro
7717:24«Ադրբեջանի վարքագիծն անընդունելի է». Ռուստամ Բաքոյան (տեսանյութ)
5617:06«Միակողմանի զիջումը ոչ միայն չի կանխելու պատերազմը, այլև արագացնելու է այն»․ Տ․ Հայրապետյան
5817:00Ուկրաինան 2000 կմ ամրություն է կառուցում՝ տարածքները պահելու համար․ #FinancialTimes
14216:48«Չեմ բացառում, որ Արցախի գործիչների նկատմամբ հետապնդումների նոր ալիք սկսվի»․ Իշխան Սաղաթելյան
6816:30«Սահմանը պետք է գծել Խորհրդային Հայաստանի առաջին սահմանով»․ Տիգրան Աթանեսյան
6116:18«Կամ գյուղերը կհանձնեն խաղաղ, կամ ուժային գործողության արդյունքում»․ ադրբեջանցի պատգամավոր
8716:00Հայկ Մարությանը կուսակցություն է հիմնում
8015:00